Արժանապատիվ կեցվածքն ու ինքնահաստատման պատանեկան փորձերը նույն բանը չեն
«Հրապարակը» գրում է.
«Երեկ ողջ երկիրը հետևում էր Եվրասիական տնտեսական միության Բարձրագույն տնտեսական խորհրդի նիստի աշխատանքներին։ Մեր երկիր այնքան հազվադեպ են այցելում բարձրաստիճան հյուրեր, որ մենք համակ ուշադրություն էինք դարձել՝ ուսումնասիրում էինք հյուրերի հագուկապը, հետաքրքրվում, թե ինչ ինքնաթիռներով ու ավտոմեքենաներով ժամանեցին, զարմանում էինք, թե մի քանի ժամ Երևանում անցկացնելու համար ինչու է Ռուսաստանի նախագահն իր անձնական զրահապատ մեքենան բերել։
Շատ ուշադիր զննում էինք հյուրերի դեմքի արտահայտությունները, հետևում էինք, թե ով ում հետ ինչպես ողջագուրվեց, քանի րոպե զրուցեց։ Փորձում էինք հասկանալ, թե ինչ հարաբերություններ ունեն ԵԱՏՄ երկրների ղեկավարները մեր վարչապետի և մեր երկրի նկատմամբ՝ առհասարակ։
Այս հետաքրքրությունը հաճախ ենթագիտակցության մակարդակում է, քանզի դժվար է ասել, թե մենք ինչ ակնկալիքներ ունենք նախկին խորհրդային այս երկրներից և նրանց ղեկավարներից։ Դժվար է ասել նաև, թե մեր երկրի արտաքին քաղաքական հարաբերությունների հետ կապված մեր անհանգստությունները որքանով են արդարացված, և բացի Ռուսաստանից ու Իրանից, մյուս երկրների հետ մեզ ինչն է կապում։ Սակայն փաստ է, որ 2 երկրների հետ բարիդրացիական հարաբերությունները մեզ օդուջրի նման անհրաժեշտ են։
Մեկը մեր պատուհանն է դեպի Ասիա, մյուսի հետ մենք բազում թելերով ենք կապված՝ սկսած մեծ հայկական համայնքից, վերջացրած Արցախի խնդրով ու մեր տարածքում տեղակայված ռազմաբազաներով։ Բայց դա չի նշանակում, որ այս կապվածությունն ու շահերը մեզ պետք է գցեն ծայրահեղությունների մեջ՝ մղելով կա՛մ քծնելու, կա՛մ ցածրամակարդակ դեմարշներ անելու Ռուսաստան պետության դեմ։ Արժանապատիվ կեցվածքն ու ինքնահաստատման պատանեկան փորձերը նույն բանը չեն»,-գրում է թերթը:
Մանրամասները՝ թերթի այսօրվա համարում:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...