Հայաստանն ուժերի ներածին չափ ավանդ է ներդնում ԵՏՄ զարգացման գործում. Փաշինյան
Հայաստանն ուժերի ներածին չափ ավանդ է ներդնում ԵՏՄ զարգացման գործում։ Այս մասին ասաց Հայաստանի վարչապետ Նիկոլ Փաշինյանը հոկտեմբերի 1-ին, Երեւանում ընթացող Եվրասիական բարձրագույն տնտեսական խորհրդի ընդլայնված նիստում։
Ողջունելով նիստի մասնակիցներին՝ վարչապետը նշեց, որ կազմակերպությունը, որն արդեն 5 տարեկան է, տարեցտարի ամրանում է եւ ապացուցել է կենսունակությունը որպես միջազգային ինտեգրացիոն միավորում։ Նիկոլ Փաշինյանը փաստեց այս տարի Հայաստանի նախագահության շրջանում երկրի ներդրած ջանքերն այդ ուղղությամբ։ Փաշինյանը հատկապես ընդգծեց Մոլդովայի եւ Իրանի նախագահների եւ Սինգապուրի վարչապետի մասնակցությունը նիստին։
Վարչապետն ուրախությամբ նշեց, որ առաջին անգամ նման նիստի շրջանակում տեղի է ունենում միջազգային համաժողով՝ նվիրված Եվրասիական մայրցամաքի տարանցման հնարավորություններին։
Կարեւոր հարցերի թվում նա նշեց խոչընդոտների վերացումը աշխատուժի ազատ տեղաշարժի ճանապարհին, աշխատանքի ընդհանուր շուկայի ձեւավորումը, էլեկտրոնային ստորագրության փոխադարձ ընդունումը, ինչպես նաեւ անցումն ազգային արժույթին հաշվարկները կատարելիս։ Վերջին կետը հատուկ նշանակություն ունի գազի շուկայում, նշեց վարչապետը։
Նրա խոսքով՝ Հայաստանը հատուկ կարեւորություն է տալիս արտաքին կապերի աշխարհագրության ընդլայնմանը։ Նա հիշեցրեց, որ այս ամիս ուժի մեջ կմտնի Իրանի հետ ժամանակավոր համաձայնագիրը, որը փոխադարձ առեւտրի կատալիզատոր կհանդիսանա։ Ավարտվել են բանակցությունները Սինգապուրի հետ, եւ այսօր կստորագրվի համաձայնագիր ԵՏՄ-ի եւ Սինգապուրի միջեւ։ Շուտով կավարտվեն բանակցությունները Սերբիայի հետ, արգասաբեր ավարտ կունենան բանակցությունները Եգիպտոսի, Իսրայելի, Հնդկաստանի հետ։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...