Եթե Մանվել Գրիգորյանի առողջական վիճակը շարունակի վատանալ, ամբողջ պատասխանատվությունը մնալու է Արսեն Թորոսյանի վրա. պաշտպան
«168 ժամ» թերթը գրում է.
«Կառավարության նիստից հետո լրագրողների հետ ճեպազրույցում առողջապահության նախարար Արսեն Թորոսյանը, անդրադառնալով ԱԺ նախկին պատգամավոր Մանվել Գրիգորյանի առողջական վիճակին, ասել էր, որ մահվան սպառնալիք չկա, ինչպես շատերն այդ մասին ասում են։
«Մանվել Գրիգորյանի վիճակը գնահատում ենք կայուն, անհանգստանալու հրատապ ոչինչ չկա։ Ուզում եմ միանգամից պատասխանել այն մեղադրանքներին, երբ ասում են, թե Գրիգորյանին «սպանում» են, նման բան չկա, ամեն ինչ արվում է՝ անկախ մարդու կարգավիճակից։ Մահվան սպառնալիք չկա, սակայն կան խրոնիկական բազմաթիվ հիվանդություններ, ինչպես շատ քաղաքացիների մոտ, որոնք իրենց բուժումը ստանում են ստացիոնար կամ տնային պայմաններում։ Կոնկրետ Մանվել Գրիգորյանի դեպքում բուժումը ստացիոնար է, քանի որ դրա անհրաժեշտությունը կա, մասնագետների թիմ է աշխատում, այդ թվում՝ իրենց կողմից հրավիրված։ Փորձաքննության մասով էլ, կարծեմ, հիմա սպասում ենք իրենց կողմից առաջարկված ֆրանսիացի բժշկի ժամանմանը, որպեսզի վերջնական եզրակացություն տանք»,- նշել էր առողջապահության նախարարը։
«168 ժամ»-ի հետ զրույցում Մանվել Գրիգորյանի շահերի պաշտպան Լևոն Բաղդասարյանն ասաց, որ Արսեն Թորոսյանը ճիշտ է, երբ ասում է, որ ամեն ինչ գտնվում է իր անմիջական վերահսկողության տակ։
«Հունիսին Արսեն Թորոսյանի հրամանով ստեղծվեց հանձնաժողով, հետազոտեցին Գրիգորյանի հիվանդությունները և բարձրաձայնեցին, որ նրա առողջական վիճակը ծանր է։ Այլ բժշկական կենտրոններում հետազոտվելուց հետո, կրկին բարձրաձայնեցին, որ նրա կյանքին կարող է վտանգ սպառնալ, նաև առողջական վիճակում գրանցեցին բացասական դինամիկա։ Երբ փաստաբանները բարձրաձայնում են և ասում, որ նրա կյանքին վտանգ է սպառնում, հիմք են ընդունում բժիշկների ասածը»,- շեշտեց նա։
Փաստաբանի խոսքով՝ այս ընթացքում ստեղծվել է միջգերատեսչական հանձնաժողով, որին իրենք դեմ են եղել, քանի որ առողջապահության նախարարի հրամանով ստեղծված հանձնաժողովի հեղինակավոր կարծիքը բավարար էր։
«Որոշ բժիշկներ նաև բարձրաձայնեցին, որ խափանում կալանավորումը դժվարացնում է, որպեսզի Մանվել Գրիգորյանի բուժումը լինի ավելի ինտենսիվ։ Ինչևէ, ստեղծվեց այդ միջգերատեսչական հանձնաժողովը, որից հետո այնտեղ ներգրավված բժիշկները հետազոտեցին Գրիգորյանին և բարձրաձայնեցին, որ հիվանդությունների բացասական դինամիկան ակնհայտ է։ Դրա մասին մենք այժմ էլ բարձրաձայնում ենք, քիչ է, որ Գրիգորյանը գտնվում է ամենահեղինակավոր հիվանդանոցում, Աստված ոչ անի, եթե բացասական դինամիկայի հետ խնդիրներ ծագեն՝ քիչ է լինելու, որ ասեն, թե նա գտնվում է բժիշկների հսկողության տակ։ Եթե այդ հիվանդանոցում Մանվել Գրիգորյանի առողջական վիճակի բացասական դինամիկան շարունակվի, ամբողջ պատասխանատվությունը մնալու է առողջապահության նախարարի վրա»,- հավելեց փաստաբանը։
Լևոն Բաղդասարյանի բնորոշմամբ՝ իր պաշտպանյալի նկատմամբ տեղի է ունենում տոտալ խոշտանգում, քանի որ հեղինակավոր բժիշկների եզրակացություններից հետո, երբ անձը գտնվում է կալանքի տակ, այն դիտարկում են՝ որպես խոշտանգում։ Ավելին՝ այս պահին Մանվել Գրիգորյանը գտնվում է ոչ թե կալանքի տակ, այլ պատիժ է կրում՝ իր բոլոր իրավական հետևանքներով։
Նա նաև տեղեկացրեց, որ Մանվել Գրիգորյանը տեղաշարժվելու հետ խնդիրներ ունի, նա սենյակում տեղաշարժվում է խնամակալի, անվտանգության աշխատակցի կամ պաշտպանյալի օգնությամբ»,-գրում է թերթը։
Նյութն ամբողջությամբ կարդացեք թերթի այսօրվա համարում:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...