ԱՄՆ-ի եւ Ուկրաինայի նախագահների զրույցի սղագրությունը ցույց է տվել Վաշինգտոնի հետ բանակցելու վտանգավորությունը. Զախարովա
ԱՄՆ-ի եւ Ուկրաինայի նախագահներ Դոնալդ Թրամփի եւ Վլադիմիր Զելենսկիի հեռախոսազրույցի սղագրության հրապարակումը ցույց է տվել, որ Վաշինգտոնի հետ բանակցելը վտանագավոր է: ԱՄՆ-ի այդ գործողությունը փոխում է պետությունների միջեւ հարաբերությունների ձեւը, կիրակի հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հաղորդում է ՏԱՍՍ-ը:
«Ես համաձայն եմ բազմաթիվ կարծիքների հետ, որ դա, անշուշտ, փոխում է պատկերը, եւ անգամ ոչ պատկերը, այլ, հավանաբար, պետությունների, երկրների, առաջնորդների, քաղաքական գործիչների միջեւ հարաբերությունների ձեւը: Քանի որ այժմ, արդեն երեւի երրորդ օրն է սկանդալից հետո, բոլորն են հասկանում, որ Վաշինգտոն զանգահարելը, բանացկություններ վարելը, հանդիպելը վտանգավոր է»,-ասել է նա Առաջին ալիքի «Մեծ խաղ» ծրագրի եթերում:
Զախարովան համարում է, որ հեռախոսազրույցի հրապարակումը կարող է դաս լինել Ուկրաինայի առաջնորդի համար եւ այդկերպ ազդել երկրում իրավիճակի վրա: « Եթե այդ դասը, իսկ դա հսկայական քաղաքական դաս է, նա (Զելենսկին) ընկալի ճիշտ, իսկ ես մեծ հույս ունեմ, որ այդպես էլ կինի, ապա առհասարակ Ուկրաինայում ամբողջ իրավիճակը կարող է այլ ընթացք ստանալ»,-ասել է նա:
Ընդ որում՝ Զախարովան ընդգծել է, որ Զելենսկիին անհրաժեշտ է վերագնահատել Միացյալ Նահանգների դերն Ուկրաինայում: «Նույն կերպ մեկ ակնթարթում նրանք կարող են բոլորին ներկայացնել ամբողջ ուկրաինական քաղաքականությունը, ինչպես դա վերջերս արել են: Քանի որ դրա հետեւում կանգնած են, իհարկե, դեմոկրատները, եւ հենց այդպես էլ Ուկրաինային, որպես պետության, ամերիկյան իսթեբլիշմենթը կարող է ոտնահարել անհրաժեշտ եւ դրա համար հարմար պահին»,-պարզաբանել է ՌԴ ԱԳՆ պաշտոնական ներկայացուցիչը:
Զախարովան նաեւ նշել է, որ Ուկրաինայի նախագահը պետք է հենվի պրոֆեսիոնալիզմի վրա: «Ոչ թե կարգախոսերի եւ PR-ակցիաների վրա, որոնք ուղեկցել են Պորոշենկոյի գործունեությունը, այլ պրոֆեսիոնալիզմի վրա»,-հավելել է նա:
Ինչպես պնդում են ԱՄՆ-ի նախագահի քաղաքական օպոնենտները, Ամերիկայի առաջնորդը հեռախոսազրույցի ժամանակ փորձել է համոզել Զելենսկիին հետաքննություն սկսել Ուկրաինայում Ամերիկայի նախկին փոխնախագահ Ջոզեֆ Բայդենի որդու գործունեության շուրջ՝ փոխարենը խոստանալով ֆինանսական եւ ռազմական աջակցություն տրամադրել Կիեւին, ինչը խոշոր սկանդալ էր հրահրել Վաշինգտոնում: Սղագրության հրապարակումից հետո պարզ էր դարձել, որ Թրամփը չէր համոզում, որ Զելենսկին հետաքննություն սկսի Հանթեր Բայդենի նկատմամբ Միացյալ Նահանգներից Ուկրաինային տրամադրվելիք ֆինանսական եւ ռազմական հնարավոր օգնության փոխարեն:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...