Հանցագործության մասին հաղորդում․ Մարինա Խաչատրյան
ՀՀ ոստիկանության պետի ժամանակավոր պաշտոնակատար Արման Սարգսյանին, ՀՀ Գլխավոր դատախազ
Արթուր Դավթյանին՝ «Առողջ Հանրություն» ՀԿ նախագահ, բժիշկ-նեյրովիրաբույժ Մարինա Խաչատրյանից։
Հանցագործության մասին հաղորդում
Հարգելի՛ լիազոր մարմնի ներկայացուցիչներ, 2019 թվականի հունիսի 11-ին տեղի ունեցած Առողջապահական խորհրդի նիստի ժամանակ տեղի է ունեցել բանավեճ ՀՀ առողջապահության նախարար Արսեն Թորոսյանի և Առողջապահական ու աշխատանքի տեսչական մարմնի նախկին ղեկավար Էդգար Խուրշուդյանի միջև։
Առողջապահական և աշխատանքի տեսչական մարմնի այդ օրվա նիստի արձանագրության 4-րդ էջում նշվում է, որ ՀՀ Առողջապահության նախարար Արսեն Թորոսյանը Առողջապահական և աշխատանքի տեսչական մարմնի ղեկավար Էդգար Խուրշուդյանին հանձնարարում է «անտեսել» քաղաքացիների դիմումները։
Առողջապահական և աշխատանքի տեսչական մարմինը հանդիսանում է վերահսկող կառույց, որը ենթարկվում է վարչապետին։ Այն պարտավոր է և իրականացրել է այդ թվում նաև Առողջապահության նախարարության գործունեության վերահսկողություն։
ՀՀ Առողջապահության նախարար Արսեն Թորոսյանը չունի լիազորություն Առողջապահական և աշխատանքի տեսչական մարմնի ներկայացուցիչներին հանձնարարականներ տալու։ Քաղաքացիների յուրաքանչյուր դիմում պետք է ուսումնասիրվի օրենքի տառին համապատասխան, իսկ դրան խոչընդոտելու իրավասություն Արսեն Թորոսյանը նույնպես չունի։
Հավելեմ, որ խոսքը գնում է անձամբ իմ կողմից Առողջապահական և աշխատանքի տեսչական մարմնին ներկայացրած դիմումի մասին, որի հիման վրա հարուցվել էր վարչական վարույթ և հայտնաբերվել էր իրավախախտում։
Եզրակացնում եմ, որ Արսեն Թորոսյանը նպատակ է ունեցել կոծկել իրավախախտումը և իրականացնել հետագա իրավախախտումներ։
Այսպիսով, ՀՀ Առողջապահության նախարար Արսեն Թորոսյանը խախտել է Հայաստանի Հանրապետության Քրեական օրենսգրքի 308 և 309 հոդվածները։
Ելնելով վերոգրյալից` պահանջում եմ կատարվածի առնչությամբ անհապաղ հարուցել քրեական գործ, պարզել իրականությունը և պատասխանատվության կանչել Արսեն Թորոսյանին, ով խախտել է Քրեական օրենսգրքի վերոնշյալ հոդվածները։
(Կից ներկայացնում եմ Առողջապահական և աշխատանքի տեսչական մարմնի արձանագրությունն ամբողջությամբ)։
Հարգանքով`
«Առողջ Հանրություն» ՀԿ նախագահ
Բժիշկ-նեյրովիրաբույժ
Մարինա Խաչատրյան
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար