Փաստ 7835. խայտառակ ձախողում արտաքին ճակատում
Երկիր կառավարելը հանրահավաքներում ելույթ ունենալ ու ոտանավոր ասել չէ: Պետություն ղեկավարելը համատարած քրգործերի հարուցումը եւ վրեժից դրդված մարդկանց կալանելը չէ: Հանրապետության առաջնորդ լինելը փաստերի հրապարակումը չէ եւ 400 հազարանոց թռիչքների կազմակերպումը:
Պետություն ղեկավարելը շատ նուրբ եւ բարդ գործ է: Եւ եթե չես տիրապետում այս գործին եւ միաժամանակ ծայրահեղ պոպուլիստ ես, ապա ձախողումները հեղեղի նման թափվելու են, ցավոք, նաեւ երկրի վրա:
Աշխարհը բազմաթիվ օրինակներ ունի, թե ինչ է լինում, երբ ժողովրդի սերը վայելոց պոպուլիստը գալիս է իշխանության: Աշխարհը դեռ որեւէ օրինակ չունի, որ պոպուլիստը բարիք եւ զարգացում է բերել երկրին եւ տարածաշրջանին:
Թե ինչ է կատարվում Հայաստանի ներսում, տեսնում են բոլորը, բացի զոմբիներից, որոնք դեռ հավատում են, որ թալանված գումարը բաժանվելու է իրենց մեջ: Իսկ թե ի՞նչ է կատարվում արտաքին ճակատում, տեսնում են ոչ բոլորը:
Հայ-ռուսական հարաբերությունները վատթարացնելուց, ԱՄՆ-ի հետ որեւէ դրական առաջընթացի չհասնելուց, Եվրոպայի հետ անհասկանալի հարաբերությունների մեջ լինելուց եւ Արցախի հարցում տարօրինակ եւ երկրի ղեկավարին ոչ հարիր հայտարարությունից բացի ոչինչ չի եղել, իսկ ավելի ճիշտ եղել են ձախողումներ:
Հիմա հասանք նրան, որ Իսլամական համագործակցության կազմակերպության գլխավոր քարտուղար Յուսեֆ ալ-Ուսայմինը կոչ է արել պաշտոնական Երեւանին «անհապաղ ազատել Ադրբեջանի գրավյալ տարածքները»։
Սա աննախադեպ է, եւ նախկինում այս կազմակերպությունը երբեք նման ադրբեջանամետ հայտարարություն չէր արել: Չէր արել, քանի որ պետությունն աշխատում էր նաեւ այս ուղղությամբ եւ լավ հարաբերություններ էր պահպանում այս կազմակերպության առաջնորդների եւ անդամ երկրների մեծ մասի հետ:
Մենք հաջողությամբ տապալվեցինք նաեւ այս ոլորտում: Մնում է ոտանավոր գրել այս մասին կամ հանրահավաք կազմակերպել եւ իսլամական երկրների ուղղությամբ քարեր նետել:
Իսկ ինչու ոչ՝ կարելի է Ստյոպա Սաֆարյանին հանձնարարել իր ֆեյքերով ասել, գրել, թե ինչ լավ է, որ Իսլամական կազմակերպությունը նման հայտարարություն է արել: Գործող իշխանությունների համար կարեւորը ոչ թե իրականությունն է, այլ թե ինչ է ասվում այդ իրականության մասին:
Հակոբ Ասատրյան
Top-News.am
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար