«Եթե իմ գույքի վրա արգելք են դնում, ապա թող գան, ես իմ զգեստները մեծ սիրով կտամ Հայկ Մարությանին». Սոնա Աղեկյան
168 ժամն արդեն տեղեկացրել էր, որ դատարանը վերադարձրել էր Երևանի քաղաքապետ Հայկ Մարությանի հայցը՝ ընդդեմ Երևանի ավագանու նախկին անդամ Սոնա Աղեկյանի։
Ինչպես մեզ հետ զրույցում նշեց Սոնա Աղեկյանը, օրերս Հայկ Մարությանը լրացրել է հայցում տեղ գտած բացթողումները և այն կրկին վերադարձրել դատարանին։
«Դատարանը եռօրյա ժամկետ էր տվել, որ քաղաքապետը բոլոր բացերը լրացնի և վերադարձնի հայցը, սակայն քաղաքապետն այն վերադարձրել է հինգերորդ օրը։ Դատարանն արդեն վարույթ է ընդունել, և ԴԱՀԿ-ից արդեն ծանուցագիր է ստացվել, որ պետք է գույքագրեն իմ ունեցվածքը»,- նշեց նա։
Սոնա Աղեկյանը տեղեկացրեց, որ դատարանի կողմից դեռ ծանուցագիր չի ստացել, որպեսզի հասկանա, թե ինչու է Հայկ Մարությանը որոշել իր դեմ դատական հայց ներկայացնել։
«Գնացել եմ դատարան, որպեսզի այդ ծանուցագիրը ստանամ, սակայն ասել են, որ չեն կարող տրամադրել և այն կարող են միայն նամակով ուղարկել։ Այս ամենով հանդերձ, իմ ակցիաները չեմ դադարեցնելու, հասկանում եմ, որ սա Հայկ Մարությանի արածը չէ, սրա թիկունքում Նիկոլ Փաշինյանն է կանգնած, որով փորձում է ինձ լռեցնել՝ հստակ իմանալով իմ ֆինանսական վիճակը, որ ունեմ երկու անչափահաս երեխա։ Հիմա իմ ֆինանսական միջոցների վրա արգելանք դնելով, գիտեն, որ զրկելու են օրվա մեկ կտոր հաց առնելու հնարավորությունից։ Եթե իմ գույքի վրա արգելք են դնում, ապա թող գան, ես իմ զգեստները մեծ սիրով կտամ Երևանի քաղաքապետին, առավել ևս, որ կարմիր շրթներկ եմ առանձնացրել Հայկ Մարությանի համար։ Եթե իր արժանապատվությունը գնահատում է այդքան, ապա դրա համար ես իրեն անպայման կվճարեմ»,- նշեց Ս. Աղեկյանը։
Նա տեղեկացրեց, որ արդեն ունի փաստաբաններ, նրանք իր ընկերներն են և պատրաստվում են հենց դատական նիստերի դահլիճում ամեն ինչի մասին խոսել։
«Այսպես չեն կարող ինձ լռեցնել։ Եթե անհրաժեշտ լինի, մենք կհավաքենք 2 մլն դրամ և կտանք քաղաքապետին, բայց դրանից հետո կմտածենք, որ Հայկ Մարությանի արժանապատվությունը գնել ենք, ինչպես փողոցում կանգնած մարմնավաճառին են գնում»,- եզրափակեց նա։
Հիշեցնենք, որ Երևանի քաղաքապետ Հայկ Մարությանը դատական հայց էր ներկայացրել Սոնա Աղեկյանի դեմ՝ պահանջելով նրան պարտավորեցնել պատվին և արժանապատվությանը պատճառված վնասի հատուցում և հերքում:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո