Ո՞վ եւ ինչո՞ւ կազմակերպեց սեւազգեստ մայրերի ակցիան. նոր կապեր են բացահայտվում
«Ժողովուրդ» թերթը գրում է․
«Երեկ մինչ կառավարության շենքում ընթանում էր հերթական նիստը, դրսում` շենքի առջեւ, հավաքվեցին արցախյան պատերազմում զոհված զինվորների մայրերը` պահանջելով հանդիպում վարչապետ Նիկոլ Փաշինյանի հետ:
Զոհված զինծառայողների ընտանիքների անդամները պահանջում էին կառավարության նիստում որոշում կայացնել եւ բոլոր զոհվածներին 30 մլն դրամ հատկացնել, ինչպես եղավ մարտի 1-ին զոհված ընտանիքների փոխհատուցման օրինագծի հաստատման դեպքում: Իհարկե, գուցե սեւագեստ մայրերի դժգոհությունը տեղին է արդարության ու հավասարության տեսանկյունից, բայց երեկվա ագրեսիվ իրադարձությունների մեջ մի քանի անհասկանալի տարրեր կային:
Նախ` ո՞վ էր ակցիայի կազմակերպիչն ու գլխավոր դերակատարը. նա ԱԺ նախկին պատգամավոր, պաշտոնաթող գեներալ Մանվել Գրիգորյանի օգնական Մեսրոպ Մանուկյանն է, մարդ, որը համացանցի որոնողական համակարգում նույնացվում է ընտրակեղծարարություն բառի հետ, մարդ, որ սպասարկում էր ՀՀԿ ռեժիմին, մարդ, որը Մանվել Գրիգորյանի ձերբակալության օրերին արդեն հրաժարվում էր խոսել իր երբեմնի սիրելի գեներալի մասին:
«Ժողովուրդ» օրաթերթի տեղեկությունների համաձայն` արդեն երկար ժամանակ է, ինչ Մեսրոպ Մանուկյանը լծված է «Զինվոր» համակարգող խորհրդի նախագահ Մարգարիտա Խաչատրյանի հետ նման ակցիաների կազմակերպմանը:
Մեսրոպ Մանուկյանը հրաժարվեց, իհարկե, կազմակերպչի իր դերակատարումից: «Ժողովուրդ» օրաթերթի հետ զրույցում ասաց. «Ես չեմ կազմակերպել այս բողոքի ակցիան, այս ամենին դեռ կանդրադառնամ»:
Բայց մյուս տարակուսելի փաստն այն է, որ նույն Մեսրոպ Մանուկյանի եղբայրը՝ Արտակ Մանուկյանը, ՀՀ առողջապահության նախարար Արսեն Թորոսյանի ձեռամբ, «Ս. Գրիգոր Լուսավորիչ» բժշկական կենտրոնի տնօրենի (նախարարի ընկերոջ) հրամանով նշանակվեց այդ հիվանդանոցի փոխտնօրեն եւ ողջ ֆինանսական գործառույթներն, ըստ էության, նրա ձեռքում են:
Չգիտե՞ր Արսեն Թորոսյանն այս մասին. դժվար թե: Նա իմանալով գեներալ Մանվելի օգնականի եղբորը պաշտոն «տվեց»: Իսկ Մեսրոպ Մանուկյանն էլ վարչապետի դեմ ակցիաներ է կազմակերպում»։
Առավել մանրամասն՝ թերթի այսօրվա համարում
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո