Ոմանք, առանց նրբությունների մեջ խորանալու, հատուկ մշակված խայծը կուլ են տալիս
«Եկեղեցու դեմ արշավի հերթական քայլին լրջմիտ ու բանիմաց մարդկանց անհամարժեք արձագանքը խիստ տարակուսելի է»,- ֆեյսբուքյան էջում գրել է Մայր Աթոռի Գերագույն Հոգևոր Խորհրդի անդամ, իրավաբան Գևորգ Դանիելյանը՝ անդրադառնալով Վեհարանում տեղադրված բարերար Սամվել Կարապետյանի և նրա կնոջ մեծադիր կտավի շուրջ ծավալվող քննարկումներին։
«Հարգելիներս, ավանդույթի ուժով եկեղեցապատկան կառույցներում (վարչական շենքեր, կրթական ու մշակութային հաստատություններ և այլն), ի նշան երախտիքի, փակցրել են բարերարների նկարները. նկատի ունեցեք, խոսքը Եկեղեցիների մասին չէ: Ովքեր եղել են հին Վեհարանում, նկատած կլինեն, օրինակ, Վազգեն առաջինի օրոք փակցված Ալեք Մանուկյանի նկարը (1982 թվականից) և այլն: Մանթաշյանից հետո, դեռ ոչ ոք այսչափ ծավալուն ներդրում չի արել Վեհարանի վերակառուցման ու բոլորովին նոր մասնաշենքեր կառուցելու վրա (էլ չխոսենք բազում այլ, ոչ ի ցույց դրված բարեգործական նախաձեռնությունների մասին, որոնք ընդհանրապես կապ չունեն եկեղեցական կյանքի հետ), ինչպես Սամվել Կարապետյանը, դրանք անգամ անհամեմատելի են: Հիմա, ի՞նչ անհարկի աղմուկ է բարձրացել Սամվել Կարապետյանի նկարը Վերահարանում փակցնելու առթիվ, դա նո՞ր, անծանո՞թ երևույթ է:
Բոլորդ էլ լավ գիտեք, որ թե՛ ՌԴ-ում և թե՛ Հայաստանում, ի տարբերություն միջազգային փորձի, բարեգործությունը պետական քաղաքականության հարթությամբ գրեթե չի խրախուսվում, այսինքն՝ դրա համար հարկային կամ այլ բնույթի էական արտոնություններ նախատեսված չեն, ինչն էլ ավելի է ընդգծում այդ երևույթի սոցիալական արժեքը: Հասկանալի է, որ ոմանք, առանց նրբությունների մեջ խորանալու, հատուկ մշակված խայծը կուլ են տալիս և ակամա էլ ավելի բորբոքում կրքերը, բայց այդպիսի հարցերում արժե մնալ ողջամտութան սահմաններում ...»,- գրել է Գ. Դանիելյանը։
Հիշեցնենք, որ նախօրեին Մայր Աթոռ Սուրբ Էջմիածնում վերաբացվել է Վեհարանը` Ամենայն Հայոց Կաթողիկոսների նստավայրը։ Հայրապետանիստը կառուցվել է մեկ դար առաջ` մեծանուն Ալեքսանդր Մանթաշյանի մեկենասությամբ։ Վեհարանը հիմնանորոգվել է գործարար և բարեգործ Սամվել Կարապետյանի և նրա ընտանիքի միջոցներով։ Վեհարանը հիմնանորոգվել և բարեզարդվել է 2010-2019 թթ. ընթացքում։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո