Ընթացիկ լրահոսն ու հնարավոր աղետը
Նախորդ օրվա խեղդող լրահոսից առանձնանում էր «Եթե ես փախչող լինեի, ապա ադրբեջանցիք հիմա Ստեփանակերտում թեյ էին խմում» ձևակերպումը։ Նույնիսկ նրանք, ովքեր Ռոբերտ Քոչարյանին են վերագրում աշխարհի բոլոր մեղքերը, հոգու խորքում կընդունեն, որ այս տողերը ճշմարտացի են։
Երկրորդ նախագահի կողքին նստած են հաղթանակների ու մարտունակ բանակի մյուս հիմնադրիրները՝ գեներալներ Սեյրան Օհանյանն ու Յուրի Խաչատուրովը։ Մարդիկ, ովքեր 90-ականներին սակավաթիվ ուժերով կազմակերպեցին գրագետ ինքնապաշտպանություն, 2000-ականներին՝ հազար տարի պետականություն չունեցող ժողովրդի համար՝ կանոնավոր բանակ, իսկ պաշտոնավարման վերջում այդ բանակը համալրեցին գերժամանակից իսկանդերներով, որից աշխարհում հատուկենտ պետություններ ունեն։
Հաջորդ օրվա լրահոսում՝ Արցախի գեներալների և նախագահ Բակո Սահակյանին ՀՔԾ հրավիրելու մասին լուրն էր։ Հրահանգ տվողը երջանիկ է, իսկ օսլայած օձիքով, կյանքում վառոդի հոտ չառած քննիչը կպատրաստվի մեղադրել նրանց՝ պետության հանդեպ կատարած արարքներում։
Մեղադրել այն մարդկանց, որոնք պետություն են ստեղծել ու ապահովել մեր միասնական պետության անվտանգությունը, այն մարդկանց, ովքեր հնարավորություն են տվել հայտարարելու՝ Արցախը Հայաստան է...
Նույն օրվա լրահոսում Ադրբեջանի պաշտպանության նախարար Զաքիրովի հայտարարությունն է. «շատ մոտ ժամանակներում մեր բանակը կլուծի խնդիրը...Մենք անհամբեր սպասում ենք հրամանի...»։ Եւ նա մեծ հույս է հայտնում, որ «այս անգամ Ռուսաստանը չի օգնի հայերին»։
Դարձյալ մեր լրահոսից իմանում ենք, որ գեներալ Լևոն Մնացականյանը և այլ բարձրաստիճան սպաներ կանչվելու են ԱԺ ապրիլյանի հանձնաժողով և պատասխանելու են մի խումբ պատահականությունների մեղադրանքներին։
Ինչի՞ համար է այս ամենը, ո՞ր գլխում է ձևավորվում այս օրակարգը։ Իսկ գուցե իսկապե՞ս նպատակն այն է, որ ադրբեջանցիք Ստեփանակերտում թեյ խմեն։ Բայց այդ դեպքում միշտ պետք է հիշել, որ ադրբեջանցիք Ստեփանակերտում չեն մնալու։ Ստեփանակերտից Երևան ուղիղ 4 ժամ է, ուղղաթիռով՝ անհամեմատ ավելի արագ։
Մոտ օրերս կազմակերպությունը հրապարակելու է փորձագետների խմբի պատրաստած վերլուծական տեղեկանքը տարածաշրջանային անվտանգության և Հայաստանի համար արագ ձևավորվող նոր ռիսկերի վերաբերյալ։
«Այլընտրանքային նախագծեր խումբ»
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո