«Պարտադիր չի, որ պաշտոնյան լինի փորով, քաչալ, կոռումպացված». Տաթևիկ Ռևազյանը՝ «Սիրուն աղջիկ» արտահայտության մասին
Երբ պատգամավորը լայվ է մտնում, լավ կլիներ մինչեւ մտնելը զանգեր մեզ, որովհետեւ իր լայվ մտնելու պահին մենք հարցեր էինք լուծում: Այս մասին, այսօր՝ հուլիսի 15-ին, լրագրողների հետ հանդիպման ժամանակ նշեց Քաղաքացիական ավիացիայի կոմիտեի նախագահ Տաթեւիկ Ռեւազյանը՝ անդրադառնալով «Լուսավոր Հայաստան» խմբակցության ղեկավար Էդմոն Մարուքյանին, ով խոսելով ավիացիայի խնդիրների մասին իրեն հեգնանքով «սիրուն աղջիկ» էր անվանել:
Դիտարկմանը, որ միգուցե իրեն «սիրուն աղջիկ» են անվանել, որովհետեւ իր կատարած սիրուն աշխատանքն այդքան էլ չի երեւում, Ռեւազյանն արձագանքեց. «Եկեք այդ «սիրուն աղջիկ» բառը չօգտագործենք ու հարգենք մարդկանց: Պետք չի որեւէ մեկի խոսքով ներկայացնել: Այստեղ պրոֆեսիոնալիզմը պետք է բարձր մակարդակի պահպանել: Դուք «սիրուն աղջիկ» արտահայտությանը հղում անելով պրոֆեսիոնալիզմը չեք պահպանում»:
Հարցին, թե նեղսրտե՞լ է այդ արտահայտությունից, Քաղավիացիայի կոմիտեի նախագահը պատասխանեց. «Ես իրականում ուրախացել եմ, որ այդպիսի բան է եղել, որովհետեւ դա ԱԺ-ում լուրջ քննարկման առիթ դարձավ եւ ես հույս ունեմ, որ դա լուրջ փոփոխություններ կբերի, որ ապագայում կին պաշտոնյաները նույն խնդիրների առջեւ չկանգնեն:
Ես չեմ վիրավորվել, մի քիչ ծիծաղացել եմ, քանի որ «Արմքոմեդի»-ում էլ էին հետաքրքիր բան պատրաստել: Մենակ կարեւոր է, որ Հայաստանում մտածելակերպի փոփոխություններ լինեն: Պետք է ընդունել, որ պարտադիր չի, որ պաշտոնյան լինի մեծահասակ, փորով, քաչալ, կոռումպացված: Եկեք մի քիչ սկսենք սովորել նոր կերպարին: Ես ոչ մի չափանիշի չէի համապատասխանում մինչեւ քաղավիացիա ընդունվելը, ու շատ դժվար են շատերը դա ընդունում:
Մեծ տարբերություն եմ զգում Հայաստանում եւ դրսում քննարկումների միջեւ: Երբ դրսում տարբեր միջազգային կազմակերպությունների հետ շփվում եմ, լրիվ հակառակ արձագանք ունեմ իրենցից»:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Օդի ջերմաստիճանն աստիճանաբար կնվազի 5-7 աստիճանով