Խորհրդային Միության փլուզումը դրական երեւույթ էր բուն Ռուսաստանի համար. Տուսկ

Ես ցանկանում բարձրաձայն եւ հստակ ասել, որ Խորհրդային Միության փլուզումը դրական երոեւույթ էր Վրաստանի, Լեհաստանի, Կենտրոնական եւ Արեւելյան Եվրոպայի երկրների համար: Այս մասին Եվրոպական խորհրդի նախագահ Դոնալդ Տուսկը հայտարարել է Բաթումիիում ընթացող «Արժեքավոր գործընկերության 10 տարի. անցած ճանապարհը եւ հեռանկարները» թեմայով միջազգային համաժողովին, որը նվիրված է Արեւելյան գործընկերության 10-ամյակին, փոխանցում է վրացական Առաջին ալիքը:

Դոնալդ Տուսկը նշել է, որ այս տարի նշվում է նաեւ Եվրամիության ընդլայնման 15-րդ տարին, ինչը մեծ արդյունքների է հանգեցրել:

«Ինձ համար մեծ պատիվ է այս համաժողովին մասնակցելը արտասովոր քաղաք Բաթումիում, որտեղ մենք նշում ենք Արեւելյան գործընկերության 10-ամյակը: Սա կարեւոր է նաեւ այն իմաստով, որ կարեւոր միջոցառումներ են նշվում նաեւ Եվրոպայի պատմության մեջ: 2019 թվականին մենք նշում ենք Եվրամիության ընդլայնման 15-րդ տարին, որը մեծ արդյունքներ է բերել իմ երկրին՝ Լեհաստանին: Նույն տարում մենք նշում ենք խորհրդային գերիշխանության տապալումը, որը սկսվեց Թբիլիսիում եւ այլ քաղաքներում ցույցերով: Նույն տարվա աշնանը Լեհաստանում անցկացվեցին ազատ ընտրություններ եւ այլն: Դուք հիշում եք, երբ 2005 թվականին Ռուսաստանի նախագահը հայտարարեց, որ Խորհրդային Միության փլուզումը այն դարաշրջանի մեծագույն սխալն էր: Ես ցանկանում եմ հստակ ասել, որ Խորհրդային Միության փլուզումը դրական երեւույթ էր Վրաստանի, Լեհաստանի, Կենտրոնական եւ Արեւելյան Եվրոպայի երկրների համար, վստահ եմ՝ նույնիսկ նաեւ բուն Ռուսաստանի համար: Դա անչափ խորհրդանշական ժամանակ էր, որպեսզի քննարկենք, թե ինչպիսի ճանապարհ ենք անցել վերջին 10 տարում եւ ինչպես շարունակենք ընթանալ»,- հայտարարել է Տուսկը: