ԱՊԼ անդամները կփորձեն Գոլանի վերաբերյալ միասնական դիրքորոշում ձեւավորել
Մարտի 31-ին Թունիսում տեղի կունենա արաբական երկրների առաջնորդների հանդիպումը՝ ԱՄՆ-ի կողմից Գոլանի բարձունքները որպես Իսրայելի մաս ճանաչելու կապակցությամբ միասնական դիրքորոշման հասնելու համար, հաղորդում է AP-ն: Պարսից ծոցի երկրները, հատկապես Սաուդյան Արաբիան եւ Միացյալ Արաբական Էմիրությունները, ամենայն հավանականությամբ, կփորձեն վերջնական հայտարարությունում խուսափել կտրուկ ձեւակերպումներից՝ հանուն ԱՄՆ-ի հետ լավ հարաբերությունների:
Միջազգային կոնսենսուսն այն մասին, որ Գոլանի բարձունքները օկուպացված սիրիական տարածքն են, եւս մեկ անգամ կընդգծի Արաբական պետությունների լիգայում Սիրիայի բացակայությունը, որից այն հանվել էր: Արաբական պետությունների լիգայի ներկայացուցիչ Մահմուդ Աֆիֆին հայտարարել է, որ Արաբական Լիգայի անդամները պատրաստվում են Գոլանի վերաբերյալ հայտարարությամբ հանդես գալ, սակայն փորձագետները ակնկալում են մի փոքր ավելին, քան ստանդարտ մեղադրանքը:
«Դա կլինի շատ ուժեղ, թատերական, հաճելի, հնարավոր է՝ հզոր հայտարարություն», - ասել է Ահմեդ Աբդ Ռաբուն՝ Դենվերի համալսարանում միջազգային հարաբերությունների ոլորտի հրավիրված պրոֆեսորը:
«Բայց ես կասկածում եմ, որ այն իրական քաղաքական ազդեցություն կունենա»: Արաբական առաջնորդները նույն կերպ արձագանքել էին անցյալ տարի Երուսաղեմը որպես Իսրայելի մայրաքաղաք ճանաչելու Միացյալ Նահանգների որոշմանը: Նրանք այս քայլը դատապարտող հայտարարությամբ հանդես եկան, բայց ոչ ավելին:
Հիշեցնենք, որ նախագահ Դոնալդ Թրամփը մարտի 25-ին պաշտոնապես ճանաչել է Իսրայելի ինքնավարությունը Գոլանի բարձունքների հանդեպ, ինչի մասին հայտարարվել էր Բենիամին Նեթանյահուի հետ հանդիպման ժամանակ։ Նույն օրը Թրամփն այդ մասին հրամանագիր է ստորագրել։Գոլանի բարձունքները Մերձավոր Արեւելքում վիճելի տարածք է: Դրա մեծ մասը ներկայումս վերահսկում է Իսրայելը, իսկ արեւելյան հատվածը՝ Սիրիան: Ինչպես Իսրայելը, այնպես էլ Սիրիան Գոլանի բարձունքները համարում են իրենց տարածքի մասը: 1944-1967 թվականներին Գոլանի բարձունքները եղել են Սիրիայի Կունեյտրա նահանգի կազմում: Արեւմտյան հատվածը (տարածքի երկու երրորդը) 1967 թ. հունիսին վեցօրյա պատերազմում գրավվել է Իսրայելի կողմից:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել
Հանրապետության առանձին շրջաններում սպասվում է կարճատև անձրև և ամպրոպ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին