«Էրդողանը շատ է հոգնած, որ մի քիչ հանգստանա, մեզ համար էլ, իր համար էլ լավ կլինի». թուրք սյունակագիր
Թուրք սյունակագիր Մեհմեդ Յըլմազը T24 կայքի իր սյունակում անդրադարձել է Թուրքիայի նախագահ Ռեջեփ Թայիփ Էրդողանի՝ ԱՄՆ իշխանություններին քննադատող հայտարարություններին, որոնք վերաբերում են Գոլանի բարձունքների շուրջ ծագած ճգնաժամին:
Այս իրադարձությունների ֆոնին Ստամբուլի հռչակավոր Սուրբ Սոֆիայի տաճարը մզկիթի վերածելու Էրդողանի հայտարարությունն ու այդ ամենը որպես ԱՄՆ նախագահի կատարած քայլի պատասխան ներկայացնելը, թուրք սյունակագրի բնորոշմամբ, առնվազն անտրամաբանական ու տարօրինակ է և փաստում է, որ Թուրքիայի ղեկավարի «գլուխը խառն է»:
Ստորև ներկայացնում ենք Յըլմազի հոդվածը՝ որոշակի կրճատումներով.
«Նախագահ Ռեջեփ Թայիփ Էրդողանը շատ բարկացավ օկուպացված Գոլանի բարձունքներն Իսրայելի մաս ճանաչող փաստաթուղթը ստորագրած ԱՄՆ նախագահ Դոնալդ Թրամփի վրա:
Ասաց՝ «Մեզնից պատասխանը կստանաք»:
Ասաց, որ թույլ չի տա դիպչեն Սիրիայի տարածքային ամբողջականությանը: Ինձ շատ հետաքրքրեց, թե ինչպես է դա անելու, մեծ ոգևորությամբ ընթերցեցի նրա ելույթը:
Ասվում էր, թե Սուրբ Սոֆիայի տաճարի մուտքը կարող են անվճար դարձնել, այն կարող են նորից մզկիթ դարձնել…
Անգամ ասում է՝ «Ընտրություններից հետո Սուրբ Սոֆիան կվերադարձնենք իր սկզբնական կարգավիճակին»:
Բայց Սուրբ Սոֆիան իր սկզբնական վիճակին վերադարձնելը նշանակում է դարձնել այն եկեղեցի, ինչը, ասեմ, ընտրություններում Ստամբուլի քաղաքապետի իշխանական թեկնածու Բինալի Յըլդըրըմի համար ձայների լուրջ կորստի պատճառ կդառնա:
Ստիպված եմ ցավով արձանագրել, որ նախագահի գլուխը լավ խառն է: Գուցե շատ է հոգնած, որ մի քիչ հանգստանա, մեզ համար էլ, իր համար էլ լավ կլինի:
Թուրքիայի ինքնիշխանությունը, Սիրիային պատկանող Գոլանի բարձունքներն Իսրայելի մաս ճանաչող հռչակագիրը, պարոն Յըլդըրըմի՝ Ստամբուլի քաղաքապետ դառնալը, Սուրբ Սոֆիայի տաճարի վերափոխումը մզկիթի… Այս ամենի միջև նրա գտած կապը ստիպում է մտածել, որ նախագահն իսկապես հոգնած է:
Չեմ կարող զսպել գլխումս ծնվող այս հարցերը. եթե Սիրիայի տարածքային ամբողջականությունը նաև մեր ինքնիշխանության հարցն է, ապա ինչի՞ համար զենք ուղարկեցինք ջիհադական խմբերին, որոնք պիտի պառակտեին Սիրիան:
Խոսեք բաներ, որոնք ունակ կլինեք իրագործել: Միջազգային խնդիրները հրապարակային խոսք նետելով չեն լուծվում, լավ կլինի մտապահեք սա»:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին