Օրենսդրական բազայի բացակայությունը թույլ չի տալիս ՀՀ-ում տրանսպորտի հարցում համալիր միջոցառումներ ընդունել. պաշտոնյա
Օրենսդրական բազայի բացակայությունը հնարավորություն չի տալիս տրանսպորտային համակարգում համալիր միջոցառումներ ընդունել: Մարտի 28-ին լրագրողների հետ հանդիպման ժամանակ այս մասին ասաց Հայաստանի քաղաքաշինության, տեխնիկական եւ հրշեջ անվտանգության տեսչական մարմնի ղեկավարի տեղակալ Արտուշ Գրիգորյանը՝ անդրադառնալով «Գալակտիկա տրանս սերվիս» ընկերության շուրջ ստեղծված իրավիճակին, որն ուղեւորափոխադրումներ է իրականացնում Արմավիր-Երեւան երթուղով:
Նրա խոսքով՝ բարեփոխումների հետեւանքով համապատասխան տեսչական մարմինը հանվել է տրանսպորտի, կապի եւ տեղեկատվական տեխնոլոգիաների նախարարության ենթակայությունից եւ հիմա անմիջականորեն կառավարությանն է ենթարկվում: «Միաժամանակ, կապված այն բանի հետ, թե խնդրի օրենսդրական կարգավորումն ինչպես է ընթանում, մենք ժամանակ ենք տվել, որ տնտեսվարող սուբյեկտները թերությունները վերացնելու հնարավորություն ունենան, որոնք այսօր գոյություն ունեն: Մենք չենք ցանկանում պատժող մարմին լինել: Մեր նպատակն է նորմալ, որակյալ տրանսպորտային համակարգի ներդնումը»,- նշեց նա:
Գրիգորյանը հայտնեց, որ իրենք ստիպված էին «Գալակտիկա տրանս սերվիս» ընկերության վարորդներին համոզել շարունակել իրենց գործունեությունը, քանի որ հակառակ դեպքում այս ուղղությամբ փոխադրումների հրացում հնարավոր է կոլապսի բախվել:
Հայաստանի քաղաքաշինության, տեխնիկական եւ հրշեջ անվտանգության տեսչական մարմնի ղեկավար Գեղամ Շահբազյանն իր հերթին հավելեց, որ այսօրվա դրությամբ խնդիրը որոշակի աստիճանով լուծվել է, սակայն խնդրի հիմնավոր լուծման համար օրենսդրական բազա է անհրաժեշտ:
Հիշեցնենք, որ մարտի 26-ին Երեւան-Արմավիր երթուղով ուղեւորափոխադումներ իրականացնող «Գալակտիկա տրանս սերվիս» ընկերությունը հայտարարել էր այն մասին, որ գործունեությունը ժամանակավորապես դադարեցնում է, քանի որ անհատական փոխադրողների ապօրինի գործունեության պատճառով վնասներ է կրում:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին