Ամեն ինչ Վահեի համար. «Իմ քայլը» որոշել է բոյկոտել ՀՀ նախագահի ներկայացրած թեկնածու Գոռ Հովհաննիսյանին
«Հրապարակ» թերթը գրում է.
«Սահմանադրական դատարանի դատավորի ընտրության հարցն ԱԺ-ն կքննարկի ապրիլի 16-ի նիստում։ Որոշ տեղեկություններով՝ իշխող «Իմ քայլը» խմբակցությունում մտադիր են բոյկոտել նախագահ Արմեն Սարգսյանի ներկայացրած թեկնածու Գոռ Հովհաննիսյանին, չնայած «Իմ քայլից» մեզ ասացին, որ դեռ քննարկում չեն արել այս հարցով եւ դիրքորոշումը կձեւավորեն թեկնածուի հետ հանդիպումից հետո։
Սակայն, մեր աղբյուրների փոխանցմամբ, իշխանությունում ամեն ինչ պատրաստ են անել Վահե Գրիգորյանին ՍԴ ուղարկելու համար։ Ի դեպ, կա տեսակետ, որ Արմեն Սարգսյանը Վահե Գրիգորյանի փոխարեն Գոռ Հովհաննիսյանին ընտրելով՝ նուրբ հաշվարկներ է արել՝ փորձելով ցույց տալ, որ ինքն ինքնուրույն խաղացող է եւ չի պատրաստվում դառնալ իշխանության կցորդը, մանավանդ՝ խախտելով օրենքը։
Ինչպես հայտնի է, ԱԺ-ն դեռեւս չի քննարկել ԱԺ կանոնակարգում եւ ՍԴ մասին օրենքում համապատասխան փոփոխությունների փաթեթը, որոնց ընդունումից հետո միայն հնարավոր կլիներ նորից առաջադրել Վահե Գրիգորյանին։
Հիշեցնենք, որ կար Գրիգորյանին առաջադրելու արգելք՝ «եթե թեկնածուի ընտրությունը չի կայանում, ապա ներկայացվում է նոր թեկնածու» արտահայտության տեսքով։ Այսինքն, Գոռ Հովհաննիսյանին ԱԺ-ում բոյկոտելուց հետո Արմեն Սարգսյանը կկարողանա երկրորդ անգամ Վահե Գրիգորյանի թեկնածությունը ներկայացնել, քանի որ առաջիկա արտահերթ նիստում խորհրդարանը կընդունի այդ փոփոխությունների փաթեթը»:
Առավել մանրամասն՝ թերթի այսօրվա համարում
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին