«Լեհերը հակասեմականությունը մայրական կաթի հետ են յուրացրել». Լեհաստանում Իսրայելի դեսպանն ԱԳՆ է կանչվել արտգործնախարարի հայտարարության առնչությամբ
Լեհաստանում Իսրայելի դեսպան Աննա Ազարին կանչվել է երկրի արտգործնախարարությունը՝ լեհերի հակասեմականության մասին Իսրայելի արտգործնախարար Իսրայել Կացի հայտարարության առնչությամբ, գրում է РИА Новости-ն:
Լեհաստանի ԱԳՆ մամուլի խոսնակ Էվա Սուվարայի խոսքով՝ դեսպանն արդեն ճանապարհին է:
Ավելի վաղ Իսրայելի արտգործնախարարը հայտարարել էր, որ «լեհերը հակասեմականությունը մայրական կաթի հետ են յուրացրել»:
Լեհաստանի վարչապետ Մատեուշ Մորավեցկին Կացի խոսքերը «անթույլատրելի» է որակել: Նրա խոսքով, եթե Իրսայելի կառավարությունը չարձագանքի Կացի հայտարարությանը, երկրի իշխանությունները կհրաժարվեն մասնակցել Վիշեգրադյան պատվիրակության և Իսրայելի ղեկավարների հանդիպմանը, որը նախատեսվում է անցկացնել փետրվարի 18-ին՝ Երուսաղեմում:
Հիշեցնենք, որ երեկ Լեհաստանի վարչապետը հրաժարվել էր մեկնել Երուսաղեմ: Պատճառը Իսրայելի վարչապետ Բենյամին Նեթանյահուի՝ ավելի վաղ արած հայտարարություն էր այն մասին, թե լեհերը համագործակցել են նացիստների հետ:
Այս առնչությամբ Լեհաստանում Իսրայելի դեսպանը կանչվել էր արտգործնախարարություն: Նա հայտնել էր, որ Նեթանյահուն նկատի է ունեցել ոչ թե «լեհ ազգի համագործակցությունը նացիստների հետ», այլ «նացիստների հետ համագործակցող» մարդկանց դեմ դատական վարույթի բացակայությունը:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մակրոնը և Սթարմերը Ուկրաինայի հարցով հանդիպում են հրավիրել
Ռուսաստանն արգելել է «Ջերմուկի» ևս 1,1 մլն շշի վաճառքը
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մենք ենք պետք Եվրոպային, թե Եվրոպան` մեզ
ԵՔՀ 8-րդ գագաթնաժողովի բացման արարողությունը Երևանում. ուղիղ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա