Միջադեպ Բելգիայում Սաակաշվիլու կողմնակիցների հետ հավաքի ժամանակ

Վրաստանի նախկին նախագահ Միխեիլ Սաակաշվիլին այսօր աջակիցների հետ միասին Բելգիայի Լյեժ քաղաքում՝ Կոնգրեսի պալատում, Թբիլիսիի ժամանակով 20։00-ին «Միասին տուն» կարգախոսով հավաք է կազմակերպել: Ներկա են գտնվել վրացիներ աշխարհի տարբեր քաղաքներից։

Նախապես հայտարարվել էր, որ Լյեժում հավաքվածները քննարկելու են այլընտրանքային կառավարություն ստեղծելու հարցը:

 «Վրաստանն անպայման հաղթելու է, քանի որ Սուրբ Գևորգը չի հեռացել, շարունակում է մնալ մեր հովանավորը: Բարին պետք է հաղթի չարին, լույսը կհաղթի խավարը, և մենք բոլորս կվերադառնանք տուն… Սա միայն համաշխարհային ժողովների սկիզբն է: Մեր հաջորդ հանդիպումը կլինի Իտալիայում, Ֆրանսիայում և այլուր: Վերջնական՝ հիմնական հանդիպումը կլինի Թբիլիսիում, Ռուսթավելիի պողոտայում: Մեզ մոտ ամեն ինչ կստացվի: Բոլոր ճանապարհները տանում են Թբիլիսի, դեպի հաղթանակ և Վրաստանի ապագա»,- հայտարարել է Միխեիլ Սահակաշվիլին իր համախոհների հետ հանդիպման ժամանակ:

Նշենք, որ հանդիպմանը միջադեպ է տեղի ունեցել Սաակաշվիլիի համախոհների և Կոնգրեսի պալատի մոտ հավաքված նրա ընդդիմադիրների միջև: Սաակաշվիլիի կողմնակիցնրը պղպեղի լուծույթ են փչել նրանց դեմքին՝ արգելելով ընդդիմադիրների մուտքը սրահ:

Այս թեմայով Սահակաշվիլին պատմել է, թե ինչպես է Թրամփը հարցրել իր կարծիքը նախագահի պաշտոնում առաջադրվելու մասին Սաակաշվիլին Հայաստանի և Ադրբեջանի ղեկավարներին կոչ է անում դիտարկել Ուկրաինայի և Մոլդովայի օրինակը Սաակաշվիլին հայտարարել է, որ ցանկանում է մահվանից հետո թաղվել Ուկրաինայում Սաակաշվիլին հրաժարվել է արյուն հանձնել քննության համար. Վրաստան Սաակաշվիլին այլեւս չի զբաղվի քաղաքականությամբ