Արյունոտ գայլի սուպերլուսինն անցել է Երկրի վրայով (Լուսանկարներ)

Երկուշաբթի գիշերը, հունվարի 21-ին, հյուսիսային կիսագնդի բնակիչները կարողացան դիտել երեք աստղագիտական երեւույթների հազվագյուտ համադրություն, որը կոչվում է «Արյունոտ գայլի սուպերլուսին», գրում է BBC-ի ռուսական ծառայությունը:

Խավարումը սկսվել է Գրինվիչի ժամանակով ժամը 02.35-ին եւ ավարտվել 07:49-ին: Լուսինը Երկրի ստվերի հյուսիսային մասում է հայտնվել մեկ ժամ եւ երեք րոպե․ Մոսկվայում խավարման ամբողջական փուլը տեւել է ժամը 07:41 -ից մինչեւ 08:44:

Սուպերլուսին կարելի է տեսնել, երբ լիալուսինը համընկնում է Երկրի եւ Լուսնի առավելագույն մերձեցման հետ: Իսկ երբ այս երկու երեւույթները համընկնում են լուսնի խավարման հետ, ապա Երկրի արբանյակն ստանում է կարմրավուն երանգ՝ այստեղից էլ «արյունոտ Լուսին» անվանումը:

Խավարման ընթացքում՝ անգամ լրիվ, Լուսինն ամբողջովին չի կորչում, այլ ներկվում է մուգ կարմիր երանգով: Դա բացատրվում է նրանով, որ Լուսինը շարունակում է լուսավորվել: Միեւնույն ժամանակ, արեւի ճառագայթները, որոնք անցնում են Երկրի մակերեսին դիպչելով, մթնոլորտում ցրվում են, բայց քանի որ այն առավել թափանցիկ է կարմրանարնջագույն մասի ճառագայթների վրա, հենց դրանք են ավելի շատ հասնում Լուսնի մակերեսին:

Հունվարի 21-ի խավարումը կարելի էր դիտել Ռուսաստանի հյուսիս-արեւելքում, Բրիտանիայում, Ֆրանսիայի հյուսիս-արեւմուտք, Իսպանիայի հյուսիս-արեւմուտք, Պորտուգալիայում, Արեւմտյան Աֆրիկայի որոշ մասերում, Հյուսիսային եւ Հարավային Ամերիկայի գրեթե բոլոր երկրներում, Ասիա-Խաղաղօվկիանոսյան տարածաշրջանի արեւելյան մասում: