Ուղևորները լուսանկարել են իրենց հետ սովորական չվերթով Բուենոս Այրես մեկնող Անգելա Մերկելին (լուսանկարներ)

Գերմանիայի կանցլեր Անգելա Մերկելը Բուենոս Այրեսում մեկնարկած «Մեծ քսանյակ»-ի գագաթնաժողովին է մեկնել սովորական չվերթով, գրում է lenta.ru-ն:

Ավելի վաղ տեխնիկական խնդիրների պատճառով կանցլերին տեղափոխող կառավարական ինքնաթիռը ստիպված էր եղել հարկադիր վայրէջք կատարել Բեռլինից մեկնելուց անմիջապես հետո:

Ուրբաթ առավոտյան Գերմանիայի կանցլերն ու նրա պատվիրակությունը մեկնել են Մադրիդ, որտեղից էլ Բուենոս Այրես մեկնող սովորական օդանավ են նստել:

Չվերթի ուղևորները լուսանկարել են իրենց հարևանությամբ նստած Անգելա Մերկելին:

«Մեծ քսանյակ»-ի գագաթնաժողովն անցկացվում է Արգենտինայի մայրաքաղաքում նոյեմբերի 30-ից դեկտեմբերի 1-ը: Միջոցառման շրջանակում նախատեսված էր ՌԴ և ԱՄՆ նախագահների հանդիպումը, սակայն նոյեմբերի 29-ին Դոնալդ Թրամփը չեղարկել է հանդիպումը՝ Կերչի նեղուցում տեղի ունեցած միջադեպի պատճառով:

Այս թեմայով ԱՄՆ-ն հետաքրքրված է, որ արաբական երկրները ծածկեն Իրանի դեմ պատերազմի ծախսերը ԱՄՆ վիզաների համակարգը պաշտպանված է խիստ ստուգումների շնորհիվ․ դեսպանություն Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա Մերձավոր Արևելքում ԱՄՆ մի շարք դեսպանատներ ժամանակավորապես փակվել են ԱՄՆ-ը Էկվադորի հետ համատեղ գործողություն է սկսել ահաբեկչական կազմակերպությունների դեմ