Երկրաշարժեր Իրանի հարավում

Կիրակի Իրանի հարավում Խորմոզհան նահանգում տեղի են ունեցել 4,7 եւ 5,7 մագնիտուդով երկրաշարժեր, հայտնում է «ՌԻԱ Նովոստի»-ն՝ վկայակոչելով Թեհրանի համալսարանի Երկրաֆիզիկայի ինստիտուտի Իրանական սեյսմոլոգիական կենտրոնին:

Առաջին ցնցումները (4,7 մագնիտուդով) գրանցվել են տեղական ժամանակով 9.34-ին, երկրորդ երկրաշարժը (5,7) հաջորդել է գրեթե 3 րոպե հետո: Երկրաշարժերի օջախները գտնվում են համապատասխանաբար՝ 22 եւ 8 կմ խորությամբ:

Տարերային աղետների հետեւանքների վերացման տարածաշրջանային վարչության ներկայացուցիչը գործակալությանը հայտնել է, որ շրջան են ուղարկվել փրկարարների խմբեր: Զոհերի եւ ավերածությունների մասին տեղեկություններ չկան:

Այս թեմայով Իրանը պնդում է, որ հրթիռների պակաս չունի Իրանը իր կարողությունների միայն մի փոքր մասն է օգտագործել՝ ի պատասխան Իսրայելի հարձակումների․ Արաղչի Կատարը Իրանի էներգետիկ օբյեկտների վրա հարվածները որակել է «վտանգավոր և անպատասխանատու» Արաղչի. Իրանը կպատերազմի մինչև Թրամփը հասկանա, որ պատերազմ սկսելը սխալ էր Իրանի Կարմիր մահիկի ընկերությունը հայտնել է երկրում ավելի քան 54 հազար բնակարանի ոչնչացման մասին