Թուրքիայի ԱԳ նախարարն ու ԱՄՆ պետքարտուղարը կհանդիպեն հունիսի 4-ին, որպեսզի քննարկեն սիրիական Մանբիջը

Սիրիայի հարցերով թուրք-ամերիկյան աշխատախումբը Անկարայում հանդիպման ժամանակ մշակել է Մանբիջում կայունության ու անվտանգության ապահովման ոլորտում համագործակցության մասին ճանապարհային քարտեզի հիմնական կետերը։ Այս մասին հայտնում է թուրքական ԱԳՆ կայքը, փոխանցում է «Կոմերսանտ․ ռուն»։

«Թուրք-ամերիկյան աշխատախումբը հանդիպում է իրականացրել՝ Սիրիայի մասին բանակցությունները շարունակելու ու այլ երկկողմանի հարցերի շուրջ։ Թուրքիայի ԱԳ նախարար Չավուշօղլուն ու ԱՄՆ պետքարտուղար Պոմպեոն հանդիպելու են հունիսի 4-ին՝ աշխատախմբի ռեկոմենդացիաները քննարկելու համար»,- պատմել են ԱԳՆ-ում։

Ավելի վաղ Թուրքիայի նախագահ Ռեջեփ Թայիփ Էրդողանը հայտնել էր, որ մտադիր է Սիրիայի սահմանամերձ տարածքների հանդեպ ամբողջական հսկողություն սահմանել, խոստանալով Աֆրինի գրավումից հետո շարունակել «Ձիթապտղի ճյուղ» գործողությունը քրդական դիմադրության հենակետ Մանբիջ քաղաքում։Էրդողանը նաեւ քննադատել էր Վաշինգթոնին՝ նրան մեղադրելով «ահաբեկիչներին աջակցելու մեջ»։

Այս թեմայով Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա Թուրքիայում 5,5 մագնիտուդ ուժգնությամբ երկրաշարժ է տեղի ունեցել Մերձավոր Արևելքում ԱՄՆ մի շարք դեսպանատներ ժամանակավորապես փակվել են ԱՄՆ-ը Էկվադորի հետ համատեղ գործողություն է սկսել ահաբեկչական կազմակերպությունների դեմ Թուրքիա–Հունաստան սահմանին զինված բախում է տեղի ունեցել