Ստամբուլում մայիսմեկյան երթի ժամանակ ավելի քան 60 մարդ է ձերբակալվել

Ստամբուլում Մայիսի 1-ի առիթով կազմակերպված երթի ժամանակ ոստիկանությունն ավելի քան 60 մարդու է ձերբակալել: Hurriyet-ի փոխանցմամբ՝ Աշխատանքի միջազգային օրվա առիթով Թուրքիայի ամբողջ տարածքում բազմահազարանոց ակցիաներ են անցկացվում:

Արհմիություններն ու քաղաքական կուսակցությունները, այդ թվում՝ հիմնական ընդդիմադիր Ժողովրդահանրապետական կուսակցությունը, մասնակցել են Ստամբուլի Մալթեփե շրջանում կազմակերպված խոշոր հանրահավաքին:

Պարբերականի փոխանցմամբ՝ այս տարի ակցիան աննախադեպ թվով ոստիկաններ են հսկում. անվտանգության ապահովմանը ներգրավվել է ավելի քան 26 հազար իրավապահ:

Թաքսիմի հրապարակ մտնելու փորձի ժամանակ ցուցարարներին ցրելու համար ոստիկանությունը կոշտ միջոցներ է ձեռնարկել: Ավելի վաղ Ստամբուլի իշխանություններն արգելել էին Բեշիքթաշ եւ Թաքսիմ հրապարակներում հանրային միջոցառումների անցկացումը:

news.am

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով