Թուրքիան, Վրաստանը և Ադրբեջանը շարունակելու են սերտացնել կապերը ռազմական ոլորտում

Թուրքիայի, Վրաստանի և Ադրբեջանի պաշտպանության նախարարները թուրքական Գիրեսուն քաղաքում կայացած երկօրյա գագաթնաժողովի ավարտին երեկ համատեղ հռչակագիր են ստորագրել` պարտավորվելով խորացնել եռակողմ ռազմաքաղաքական համագործակցությունը:

«Մեր համագործակցությունը օրինակելի բնույթ է կրում: Մեր երկրների կողմից իրականացվող բոլոր տարածաշրջանային էներգետիկ, առևտրային նախագծերը մեծապես կախված են Վրաստանի, Թուրքիայի և Ադրբեջանի [պաշտպանության նախարարությունների] համագործակցության մակարդակից», - հայտարարել է Վրաստանի պաշտպանության նախարար Լևան Իզորիան:

Վրաստանի ռազմական գերատեսչության ղեկավարը նաև ասել է, որ առաջիկայում Թբիլիսին և Անկարան պատրաստվում են խորացնել համագործակցությունը ռազմատեխնիկական ասպարեզում: «Մենք արդեն իսկ հստակեցրել ենք այդ համագործակցության հստակ ժամկետները», - նշել է Իզորիան եռակողմ հանդիպման ավարտին կայացած համատեղ մամուլի ասուլիսի ժամանակ:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով