Խցանումների նվազեցումը՝ վարքագծային փոփոխությունից մինչև համակարգային լուծումներ
ՆԳՆ դիտարկում է օրենսդրական նախաձեռնությամբ հանդես գալու հնարավորությունը։ Խցանումները բոլոր խոշոր քաղաքների համար լոկալ ճգնաժամեր են, որոնք խաթարում են քաղաքային կյանքի ռիթմը։ Երևանում, ի թիվս այլ գործոնների, դրանց առաջացման հիմնական պատճառներից են տրանսպորտային միջոցների շարունակական աճն ու երթևեկության կանոնների ոչ պատշաճ պահպանումը։
Պարեկային ծառայության պետի տեղակալ Արման Չիլինգարյանի խոսքով՝ «Պետք է տարանջատել իրական խցանումները մեծ հոսքերով պայմանավորված՝ ինտենսիվ երթևեկությունից։ Որպես խցանում անհրաժեշտ է դիտարկել այն դեպքերը, երբ ճանապարհների հատվող մասը, օրինակ՝ խաչմերուկն ամբողջությամբ փակվում է, և որևէ կողմից այլևս հնարավոր չի լինում իրականացնել երթևեկություն»։
Իսկ այն դեպքերում, երբ երթևեկությունը չի ընդհատվում, այլ պարզապես դանդաղում է՝ պայմանավորված տվյալ ժամի կամ այլ հանգամանքներով հոսքերի մեծացմամբ, իրավիճակը պետք է գնահատել որպես ինտենսիվ երթևեկություն։
«Պետք է երկու մասի բաժանել խցանումները․ խցանումներ, որոնք առաջանում են որոշակի իրավիճակներով պայմանավորված, օրինակ՝ ՃՏՊ-ներ կամ ճանապարհային շինարարական աշխատանքներ և խցանումներ, որոնք առաջանում են վարորդների գործողությունների հետևանքով»,-նշում է Արման Չիլինգարյանը։
Պարեկային ծառայության պետի տեղակալ Արման Չիլինգարյանի խոսքով՝ վարորդները հաճախ չեն պահպանում ճանապարհային երթևեկության կանոնները․ երբեմն նույնիսկ կանաչ ազդանշանի դեպքում մուտք են գործում ծանրաբեռնված խաչմերուկ, ինչի հետևանքով չեն հասցնում ժամանակին ազատել ճանապարհը և առաջացնում են խցանում։ Հոսքերի դանդաղեցմանը նպաստում են նաև վերադասավորումները, երբ վարորդները մեկ գոտուց մյուսին անցնելիս ստիպված շղթայական արգելակում են, ինչն էլ հանգեցնում է երթևեկության հապաղման և խցանումների։
«Մեր կողմից առաջին հերթին միջոցներ են ձեռնարկվում ոչ ստանդարտ իրավիճակներով պայմանավորված խցանումները կամ հապաղումները կանխարգելելու ուղղությամբ։ Ուսումնասիրվում են ՃՏՊ-ների հանգամանքները, մասնավորապես՝ նույն տեղում նույն պատճառով տեղի ունեցող պատահարներն են դուրս բերվում և այդ ուղղությամբ ձեռնարկվում են միջոցներ»,-ներկայացնում է Արման Չիլինգարյանը։
Արման Չիլինգարյանն ընդգծում է, որ մայրաքաղաքի մի շարք հատվածներում տեղադրվել են կանգնակներ, միաժամանակ քաղաքապետարանի հետ պայմանավորվածություններ են ձեռք բերվում, որպեսզի ճանապարհաշինարարական աշխատանքները կատարվեն հիմնականում գիշերային ժամերին կամ այն օրերին, երբ երթևեկությունը ծանրաբեռնված չէ։ «Ինչ վերաբերում է վարորդների գործողություններով պայմանավորված խցանումների կամ հապաղումների կանխարգելմանը, ապա մեր կողմից ուսումնասիրվում է լուսացույցի թույլատրվող ազդանշանով խաչմերուկ մուտք գործող վարորդներին պատասխանատվության ենթարկելու հարցը։ Ուսումնասիրում ենք նաև այն հնարավորությունը, երբ ինտենսիվ երթևեկության պայմաններում աջ ու ձախ անհարկի վերադասավորումներ անող վարորդների մասով պատասխանատվություն կիրառելու հնարավորության և ազատ գոտին չարաշահող ու այլ տրանսպորտային միջոցների հարկադրելու հետ կապված պատասխանատվության միջոցներ նախատեսելու օրենսդրական նախաձեռնությամբ հանդես գալու հնարավորության հարցը»,-հավելում է Պարեկային ծառայության պետի տեղակալը։
Խցանումների կանխման առաջնային շահառուն հենց վարորդն է, և ի վերջո նրա գիտակցված ու պատասխանատու վարքագծից է կախված, թե որքանով կիրառելի կդառնան պատասխանատվության միջոցները։ ՆԳՆ ոստիկանության նպատակը ոչ թե վարչական միջոցների կիրառումն է, այլ երթևեկության անվտանգությանն ուղղված վարքագծի փոփոխության խթանումն ու քաղաքի ազատ ու անխափան շարժի ապահովումը։
radararmenia.am
Հայաստանում ԱՄՆ դեսպանատունը զգուշացնում է
Ինչու Սպերցյանը չտեղափոխվեց Պորտու
Երիտասարդը իրավապահներից փախչելիս ընկել է Հրազդանի կիրճի ջրատարը
«Նոայի» դարպասապահը նվաճել է ֆուտբոլի աշխարհի առաջնության (Մունդիալի) ուղեգիր
Երկիր մոլորակը չի կարող դիմակայել բնակչության աճին
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
Պարի սեն-ժերմենը մտադիր է պայմանագիր կնքել Ռեալի կիսապաշտպանի հետ
ՄԻՊ աշխատակիցներն այցելել են «Արմավիր» ՔԿՀ՝ Դավիթ Մինասյանին տեսակցելու նպատակով
Հայաստանի ազգային հավաքականը մեկ հորիզոնականով նահանջել է ՖԻՖԱ-ի դասակարգման աղյուսակում
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է