Իրանում ռեժիմի փոփոխությունն անհնար է «միայն ռմբակոծությունների միջոցով»

Իրանում քաղաքական իրավիճակը չի կարող փոխվել միայն ռմբակոծություններով, հայտարարել է Ֆրանսիայի նախագահ Էմանուել Մակրոնը Կիպրոս կատարած այցի ժամանակ, որն ավելի վաղ ենթարկվել էր իրանական հրթիռային հարձակման։

Իրանում ռեժիմի փոփոխությունն անհնար է «միայն ռմբակոծությունների միջոցով», ասել է Ֆրանսիայի նախագահը «Շառլ դը Գոլ» ավիակիրի ժամանման կապակցությամբ Կիպրոս կատարած այցի ժամանակ։ Մակրոնը ընդգծել է, որ նավը և դրա անձնակազմը կզբաղվեն Կիպրոսի, ինչպես նաև կղզում գտնվող Ֆրանսիայի քաղաքացիների պաշտպանությամբ։

Ավելի վաղ Ֆրանսիայի նախագահը հայտարարել էր, որ Ֆրանսիան իր գործընկերների հետ միասին պատրաստում է «պաշտպանական առաքելություն»՝ Հորմուզի նեղուցում անվտանգ նավարկությունը վերականգնելու համար։ Ֆրանսիայի նախագահը նշել է, որ դա ենթադրում է լցանավերի ուղեկցում։

«Մենք եվրոպական և ոչ եվրոպական գործընկերների հետ համատեղ պատրաստում ենք պաշտպանական առաքելություն, որի նպատական է հակամարտության թեժ փուլն անցնելուց հետո հնարավորինս շուտ տանկերների համար ուղեկցություն ապահովել և Հորմուզի նեղուցը աստիճանաբար վերաբացել», - ասել է նա։

Այս թեմայով Այս հարձակումը մեր ուժերի վրա անընդունելի է. Մակրոն Մի քանի եվրոպացի գործընկերոջ առաջարկել եմ վերսկսել երկխոսությունը Ռուսաստանի հետ․ Մակրոն Մակրոնը հիշեցրել է Թրամփի չիրականացված խոստումը՝ Ուկրաինայում պատերшզմը 24 ժամվա ընթացքում դադարեցնելու մասին Մակրոնը Պաղեստինի ճանաչումը համարել է մարտերը դադարեցնելու միակ միջոցը Մակրոնը հայտարարել է, որ արգելելու է սոցցանցերը 15 տարեկանից փոքր երեխաների համար