Հաշվի առնելով իմ կարգավիճակը՝ ներքաղաքական հարցերում ակտիվ չեմ. ՀՀ նախագահ
Հանրապետության նախագահ Վահագն Խաչատուրյանը Աթենքում լրագրողների հետ զրույցում կարևորել է առաջիկա ընտրությունների ժողովրդավարության նորմերի լիարժեք պահպանումը, հայտնում է «Արմենպրես»- ը։ Նրա խոսքով՝ ժողովրդավարության առավելություններից մեկն այն է, որ ժողովրդավարական սկզբունքները որդեգրած երկրներում մարդիկ սովորել են օրենքներին հետևել, օրենքները պահպանել, նրանց համար օրենքը գերակա է։
«Ես շատ ակտիվ չեմ ներքաղաքական հարցերում՝ հաշվի առնելով իմ կարգավիճակը՝ որպես Հայաստանի Հանրապետության նախագահ, որը պետք է չեզոք դիրք ունենա։ Իմ հիմնական պարտականությունը Սահմանադրության հետևելն է, և այդ տրամաբանությամբ եմ առաջնորդվում, բայց չեմ կարող իմ գնահատականները չտալ ընդհանրապես, որովհետև ի վերջո, խոսքը Սահմանադրության իրացման մասին է. ես նկատի ունեմ ընտրելու և ընտրվելու իրավունքի մասին։ Ես առաջին հերթին ուշադրություն եմ դարձնում հենց այդ հանգամանքին։ Գիտեք, որ ես նշանակել եմ ընտրությունների օրը։ Մենք այդ գործընթացն ավելի շուտ արեցինք, քան կարող էինք։ Երբ ես խորհրդակցեցի Կենտրոնական ընտրական հանձնաժողովի նախագահի հետ, նա առաջարկեց այս գործընթացն ավելի շուտ իրականացնել, որ լիարժեք պատրաստ լինենք ընտրական գործընթացներին, որպեսզի գործընթացի մասնակիցները չդժգոհեն։ Այդ գործընթացն արդեն սկսվել է, բոլորը պետք է տեղեկանան կանոններին, և կանոնները պետք է միանշանակ պահպանվեն բոլորի կողմից։ Բոլորը պետք է կարողանան ընդունել և ընկալել մի կարևոր սկզբունք, որը վերաբերում է բոլորիս մեր առօրյա կյանքում, բայց տվյալ դեպքում ընտրությունների ժամանակ օրենքը չխախտելու մասին է խոսքը։ Օրենքը խախտողը պատժվելու է։ Սա բոլորի համար սկզբունք պետք է լինի»,- մանրամասնել է ՀՀ
Նա ցանկություն է հայտնել, որպեսզի Հայաստանում առաջիկայում կայանալիք ընտրություններին մասնակցող քաղաքական ուժերի միջև պայմանավորվածություն լինի, որպեսզի բանավեճերը, քննարկումներն անցնեն պատշաճ մթնոլորտում՝ առանց ոչ հարիր բառապաշար օգտագործելու, որպեսզի հնարավոր լինի միմյանց լսել, որպեսզի նաև ժողովուրդը կարողանա հետևել այդ քննարկումներին և բանավեճերին։
Հայաստանում խորհրդարանական ընտրությունները տեղի կունենան 2026 թվականի հունիսի 7-ին։
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
ԵՔՀ 8-րդ գագաթնաժողովի բացման արարողությունը Երևանում. ուղիղ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Բելգիայի դեսպանության բացման պաշտոնական արարողություն՝ Երևանում