Լա լիգա. Բարսելոնան անակնկալ պարտություն կրեց Ռեալ Սոսյեդադից

Իսպանական Լա լիգայի 20-րդ տուրի շրջանակում կայացավ կենտրոնական հանդիպումներից մեկը․ Սան Սեբաստիանի «Ռեալե Արենա» մարզադաշտում «Ռեալ Սոսյեդադը» ընդունել էր մրցաշարային աղյուսակի առաջատար «Բարսելոնային»: Հանդիպումը սպասարկում էր գլխավոր մրցավար Խեսուս Խիլ Մանսանոն:

Խաղն ավարտվեց տանտերերի՝ «Ռեալ Սոսյեդադի» հաղթանակով՝ 2:1: Հանդիպման հաշիվը 32-րդ րոպեին բացեց բասկյան թիմի առաջատար Միկել Օյարսաբալը: Երկրորդ խաղակեսի միջնամասում կատալոնացիներին հաջողվեց կարճ ժամանակով վերականգնել հավասարակշռությունը. 70-րդ րոպեին աչքի ընկավ «Բարսելոնայի» հարձակվող Մարկուս Ռեշֆորդը:

Սակայն հյուրերի ուրախությունը երկար չտևեց։ Ընդամենը մեկ րոպե անց Գոնսալու Գեդեշը խփեց տանտերերի երկրորդ գնդակը՝ վճռելով հանդիպման ելքը:

Հատկանշական է, որ «Բարսելոնան» խաղն ավարտեց թվային առավելությամբ: 88-րդ րոպեին կոպիտ խաղի համար ուղիղ կարմիր քարտով հեռացվեց «Ռեալ Սոսյեդադի» ֆուտբոլիստ Կառլոս Սոլերը, սակայն մնացած ժամանակահատվածը բավարար չեղավ հյուրերին պարտությունից խուսափելու համար:

Այս պարտությունից հետո էլ «Բարսելոնան» պահպանում է առաջատարի դիրքը՝ իր ակտիվում ունենալով 49 միավոր: «Ռեալ Սոսյեդադը» վաստակեց 24 միավոր և բարձրացավ 9-րդ հորիզոնական:

Հաջորդ տուրում Հունվարի 25-ին կայանալիք հաջորդ տուրում «Բարսելոնան» սեփական հարկի տակ կընդունի «Օվիեդոյին», իսկ «Ռեալ Սոսյեդադը» նույն օրը տնային հանդիպում կանցկացնի «Սելտայի» հետ:

Նյութը՝ armsport.am