Ժնևում վաճառքի է հանվել այն առանձնատունը, որտեղ հանդիպել են Գորբաչովն ու Ռեյգանը
Ժնևում գտնվող պատմական առանձնատունը՝ Fleur d'Eau-ն, որտեղ 1985 թվականի նոյեմբերի 19-ին հանդիպել են ԽՄԿԿ Կենտկոմի գլխավոր քարտուղար Միխայիլ Գորբաչովը և ԱՄՆ նախագահ Ռոնալդ Ռեյգանը, որը խթան հանդիսացավ սառը պատերազմի ավարտի գործընթացին, վաճառքի է հանվել 23 միլիոն շվեյցարական ֆրանկով (29 միլիոն դոլար): Այս մասին հաղորդում է Blick թերթը, փոխանցում է ՏԱՍՍ-ը:
Այժմ վաճառքի հանած միջազգային ընկերությունը առանձնատունը գնել է 1996 թվականին 2.4 միլիոն ֆրանկով (մոտավորապես 2 միլիոն դոլար՝ այդ ժամանակվա փոխարժեքով)։
Առանձնատան հետ մեկտեղ գնորդներին առաջարկվում է գնել նաև 12,000 քառակուսի մետր հարակից այգի։ Նշվում է, որ առանձնատունը նախկինում աճուրդի էր հանվել աշնանը, բայց չէր վաճառվել։
1985 թվականի նոյեմբերի 19-21-ը Ժնևում տեղի ունեցավ Գորբաչովի և Ռեյգանի հանդիպումը։ Դրան նախորդել է ԽՍՀՄ-ի և ԱՄՆ-ի հարաբերությունների սառեցման հերթական շրջանը, որն առաջացել է 1979 թվականին Աֆղանստան խորհրդային զորքերի մուտքի հետևանքով։
Ժնևում կայացած բանակցությունների արդյունքում կողմերը խոստովանել են, որ «միջուկային պատերազմն անթույլատրելի է», քանի որ «դրանում հաղթողներ չեն կարող լինել», և խոստացել են չձգտել «միմյանց նկատմամբ ռազմական գերազանցության»:
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Թրամփի կրտսեր որդուն առաջարկել են ուղարկել Իրան․ Bild
Սեյեդ Մոջթաբա Խամենեին պաշտոնապես ընտրվել է Իրանի գերագույն առաջնորդ. Fars
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ է աղմկում Երևանը
Մասնագիտական ուսուցումը կարող է ավելի գրավիչ դառնալ
Իրանը հայտարարել է, որ կհարվածի ցանկացած տարածքի, որտեղից ԱՄՆ-ն կհարձակվի իր վրա
Անչափահասների կողմից կատարված հանցագործություններ. 2025 թվական
«Հայաստանի էլեկտրական ցանցեր» ընկերությունը հաղորդագրություն է տարածել