Ֆրանսիայի, Մեծ Բրիտանիայի և Գերմանիայի առաջնորդները Ուկրաինայի նախագահի հետ քննարկել են պատերազմը դադարեցնելու ծրագիրը
Ուկրաինայի նախագահի և Ֆրանսիայի, Մեծ Բրիտանիայի և Գերմանիայի առաջնորդների Լոնդոնում կայացած հանդիպման ժամանակ քննարկվել են ԱՄՆ-ի միջնորդությամբ անցկացված խաղաղության բանակցությունների միջանկյալ արդյունքները և անվտանգության երաշխիքները, հաղորդել է Ֆրանսիայի նախագահի գրասենյակը։
«Այս հանդիպումը, որին մասնակցել են Ուկրաինայի նախագահը, Մեծ Բրիտանիայի վարչապետը, Գերմանիայի կանցլերը և Ֆրանսիայի Հանրապետության նախագահը, թույլ տվեց մեզ վերահաստատել մեր անսասան աջակցությունը Ուկրաինային, ինչպես նաև մեր անսասան հանձնառությունը Ուկրաինայում ամուր և երկարատև խաղաղության հասնելուն», - ասվում է հայտարարության մեջ։
Ուկրաինայի նախագահ Վոլոդիմիր Զելենսկին X-ի իր էջում շնորհակալություն է հայտնել Մեծ Բրիտանիայի վարչապետ Քեյր Սթարմերին, Ֆրանսիայի նախագահ Էմանուել Մակրոնին և Գերմանիայի կանցլեր Ֆրիդրիխ Մերցին՝ «հանդիպումը կազմակերպելու և խաղաղության ճանապարհին նրանցից յուրաքանչյուրի անձնական ներդրման համար»։
Նա նշել է, որ հանդիպմանը քննարկվել է նաև ամերիկյան կողմի հետ համատեղ դիվանագիտական աշխատանքը, և համաձայնեցվել է «ընդհանուր դիրքորոշում» անվտանգության երաշխիքների, Ուկրաինայի հետպատերազմյան վերականգնման և «հաջորդ քայլերի» վերաբերյալ։
«Մենք նաև քննարկեցինք Ուկրաինային հետագա պաշտպանական աջակցությունը», - նշել է Զելենսկին։
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ է աղմկում Երևանը
Մասնագիտական ուսուցումը կարող է ավելի գրավիչ դառնալ
Ինչո՞ւ չունենք կանաչ Երևան
Անչափահասների կողմից կատարված հանցագործություններ. 2025 թվական
Տղամարդն Իրանից Հայասատան է տեղափոխել 22 կգ թմրամիջոցով պարկ
Կորեան կամրապնդի իր բարեկամությունն ու կապերը Չինաստանի հետ
Կոռուպցիոն գործերով 2025 թվականին վերականգնված գումարի չափը շուրջ 4 անգամ գերազանցել է 2024 թվականի ...