Հայաստանը ընտրվել է Զինված ընդհարման դեպքում մշակութային արժեքների պաշտպանության կոմիտեի փոխնախագահ
Դեկտեմբերի 4-ին Փարիզում՝ ՅՈՒՆԵՍԿՕ-ի կենտրոնակայանում, տեղի է ունեցել Զինված ընդհարման դեպքում մշակութային արժեքների պաշտպանության կոմիտեի 20-րդ նստաշրջանը։ Այս մասին տեղեկացնում են ՅՈՒՆԵՍԿՕ-ում ՀՀ մշտական պատվիրակությունից:
«Հայաստանը, հանդիսանալով Կոմիտեի անդամ, ընտրվեց 20-րդ նստաշրջանի փոխնախագահ։
Կոմիտեն ընդունեց որոշում՝ «Տաթևի և Տաթևի Մեծ անապատ վանական համալիրները և Որոտան գետի կիրճը» հուշարձանախմբին ուժեղացված պաշտպանության կարգավիճակի շնորհման հայտադիմում պատրաստելու նպատակով Հայաստանին տրամադրված միջազգային օժանդակության շրջանակներում իրականացված ծրագիրն ամփոփելու վերաբերյալ։
Իր ելույթում ՅՈՒՆԵՍԿՕ-ում Հայաստանի մշտական ներկայացուցիչ Արամ Հակոբյանը շնորհակալություն հայտնեց կոմիտեին՝ տրամադրված միջազգային օժանդակության ծրագրի համար և գնահատանք հայտնեց քարտուղարությանը՝ սերտ և արդյունավետ համագործակցության կապակցությամբ։ ՀՀ դեսպանն անդրադարձավ ծրագրի շրջանակներում իրականացված աշխատանքներին և ընդգծեց, որ Հայաստանը քարտուղարությանն է ներկայացրել Տաթևի և Տաթևի Մեծ անապատ վանական համալիրները ՅՈՒՆԵՍԿՕ-ի ուժեղացված պաշտպանության ցանկում ներառելու հայտը։
Նստաշրջանի ընթացքում կոմիտեն դիտարկեց նաև 1954թ. Հաագայի կոնվենցիային կից 1999թ. Երկրորդ արձանագրության քարտուղարության զեկույցը, միջազգային օժանդակության մեխանիզմի շրջանակներում իրականացվող ծրագրերի ընթացքը, այս կապակցությամբ ստացված նոր դիմումները։ Անդամ երկրների հայտերի հիմքով՝ Կոմիտեն ուժեղացված պաշտպանության կարգավիճակ շնորհեց մի շարք մշակութային օբյեկտների»,- ասված է հաղորդագրությունում։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ