Լատվիան նախատեսում է մինչև 2028 թվականն ավարտել իր արևելյան սահմանի ամրապնդումը
Լատվիայի իշխանությունները նախատեսում են Ռուսաստանի և Բելառուսի հետ սահմանային ամրացման աշխատանքներն ավարտել մինչև 2028 թվականը, հաղորդում է LSM պետական հեռարձակողը։
Ինչպես նշվում է, սահմանային ամրությունների լատվիական հատվածը կդառնա այսպես կոչված Բալթյան պաշտպանական գծի մի մասը։ Ռիգայի կողմից արևելյան սահմանի երկայնքով արդեն իսկ տեղադրվել են բետոնե «վիշապի ատամներ» (բուրգաձև բետոնե կառույցներ), մետաղական «ոզնիներ», փորվել են հակատանկային խրամներ և տեղադրվել են պաշտպանական ենթակառուցվածքի այլ տարրեր։ Միևնույն ժամանակ, Լատվիայի Պետական վերահսկողությունում նշում են, որ ծրագրի իրականացման ընթացքում պահպանվում են ռիսկեր, որոնք կապված են աշխատանքների ոչ ժամանակին կատարման և որակի հետ։
«Reuters» գործակալությունը 2024 թվականի հունիսին հայտնել էր, որ Լեհաստանը, Լատվիան, Լիտվան և Էստոնիան ծրագրում են «պաշտպանական գիծ» կառուցել Ռուսաստանի և Բելառուսի հետ սահմանին և խնդրում են Եվրոպական միությանը միջոցներ հատկացնել դրա համար։ Երկրները ֆինանսավորում են խնդրել Մոսկվայի և Մինսկի կողմից ենթադրյալ «ռազմական սպառնալիքից և վնասարար գործողություններից» պաշտպանվելու նպատակով։ Գործակալության դիվանագիտական շրջանակների զրուցակիցները նշել են, որ 700 կմ երկարությամբ պաշտպանական գծի կառուցումը առնվազն 2,5 միլիարդ եվրո կպահանջի։
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ է աղմկում Երևանը
Մասնագիտական ուսուցումը կարող է ավելի գրավիչ դառնալ
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Անչափահասների կողմից կատարված հանցագործություններ. 2025 թվական
Կորեան կամրապնդի իր բարեկամությունն ու կապերը Չինաստանի հետ
Կոռուպցիոն գործերով 2025 թվականին վերականգնված գումարի չափը շուրջ 4 անգամ գերազանցել է 2024 թվականի ...