Երևանը Թեհրանին վստահեցրել է, որ Իրանին որևէ սպառնալիք իր տարածքից երբեք թույլ չի տա. Աբբաս Արաղչի

«Երկու կողմերի միջև շատ լուրջ և կառուցողական բանակցություններ են տեղի ունեցել։ Մենք մանրամասն քննարկել ենք լայն տնտեսական համագործակցության հարցեր, դրանց թվում՝ առևտուր, ներդրումներ և տեխնիկական ու ճարտարագիտական նախագծերի իրականացում։ Բացի դրանից, այս հանդիպման քննարկման մեկ այլ թեմա էր երկու երկրների միջև մշակութային համագործակցությունը՝ պայմանավորված խոր և երկարատև մշակութային կապերով։ Կարևոր քննարկումներ են տեղի ունեցել նաև տարանցիկ և հաղորդակցության ուղիների ոլորտում»,- նշել է Աբբաս Արաղչին Հայաստանի և Իրանի ղեկավարների միջև Երևանում անցկացված բանակցություններից հետո։

Հայկական կողմը մանրամասն պարզաբանումներ է տվել Վաշինգտոնում վերջերս տեղի ունեցած քննարկումների վերաբերյալ և վստահեցրել, որ տեղյակ է Իրանի Իսլամական Հանրապետության կարմիր գծերի մասին և միշտ ուշադրություն կդարձնի դրանց։ Այդ հավաստիացման հիման վրա՝ Հայաստանը երբեք թույլ չի տա, որ Իրանին որևէ սպառնալիք բխի իր տարածքից, նշել է նա։

«Որոշվել է, որ մոտ ապագայում երկու երկրների միջև ռազմավարական համագործակցության վերաբերյալ համապարփակ փաստաթուղթ կավարտվի և կստորագրվի», - եզրափակել է Իրանի արտգործնախարարը։