Հոդվածում նշվում է, որ Ադրբեջանի և Հայաստանի առաջնորդների ԱՄՆ այցերի մասին երկու մայրաքաղաքներում էլ լռություն է պահպանվում, բայց դրանք արդեն քննարկվում են Վաշինգտոնում: «Ոչ Բաքվում, ոչ էլ Երևանում պաշտոնական հայտարարություններ չեն արվել. դրանք ո՛չ հաստատում, ո՛չ էլ հերքում են սոցիալական ցանցերում շրջանառվող տեղեկությունները: Դրա վերաբերյալ առաջին աղբյուրը ոմն լրագրող Ալեքս Ռաուֆօղլուն էր, որի անունը նախկինում չէր հայտնվում տարածաշրջանային լրատվամիջոցներում»,- գրում է պարբերականը:
Այցի ընթացքում հնարավոր է Երևանի և Բաքվի միջև խաղաղության համաձայնագիր կնքելու մտադրության հուշագիր ստորագրվի:
«Պատրաստվող փաստաթուղթը խաղաղության պայմանագիր չէ, սակայն Սպիտակ տանը դրա ստորագրման փաստն ինքնին Դոնալդ Թրամփին հնարավորություն կտա կրկին ներկայանալ որպես խաղաղարար՝ արդեն Հարավային Կովկասում։ Մոսկվայի հետ հարաբերություններում ճգնաժամ վերապրող Երևանն ու Բաքուն ցույց են տալիս ԱՄՆ-ին որպես տարածաշրջանի գլխավոր կարգավորող ճանաչելու պատրաստակամությունը»,- նշվում է հոդվածում։
Հեղինակը նշում է, որ Վաշինգտոնում ԱՄՆ նախագահի հանրապետական օգնականներն արդեն խոսում են առաջիկա հանդիպման մասին՝ նախանշելով Սպիտակ տան ղեկավարի նոր դիվանագիտական հաղթանակը։ «Թրամփի ջանքերի շնորհիվ Ադրբեջանի և Հայաստանի միջև խաղաղության պայմանագիրը կնքման եզրին է», -հայտարարել է Մոնտանա նահանգից սենատոր Սթիվ Դեյնսը։ Նմանատիպ հայտարարություն է արել նաև Հարավային Կարոլինա նահանգից Ներկայացուցիչների պալատի անդամ Ջո Ուիլսոնը, որը հայտնել է, որ «Ադրբեջանի և Հայաստանի միջև շուտով խաղաղություն կկնքվի»։
Ինչպես նշում է Middle East Eye-ը, «Հայաստանն ու Ադրբեջանը կստորագրեն խաղաղության հուշագիր Թրամփի միջնորդությամբ»։ Միևնույն ժամանակ, պարբերականը պարզաբանում է, որ խոսքը խաղաղության պայմանագրի մասին չէ, այլ «մտադրությունների նամակի», որը ցույց կտա կողմերի քաղաքական կամքը՝ խաղաղություն կնքելու համար։
«Ավելի վաղ Ադրբեջանի և Հայաստանի ղեկավարները բազմիցս հաստատել են իրենց պատրաստակամությունը՝ շրջելու ավելի քան 30-ամյա արյունալի հակամարտության էջը և նույնիսկ համաձայնել են խաղաղության համաձայնագրի բոլոր 17 կետերին։ Ընդսմին, այն չի ստորագրվել ադրբեջանական կողմի՝ Հայաստանի Սահմանադրությունը փոփոխելու հիմնական պահանջի չկատարման պատճառով, որը, ինչպես կարծում են Բաքվում, իր ներկայիս տեսքով Ադրբեջանի համար տարածքային պահանջների հող է նախապատրաստում։
Չնայած այն հանգամանքին, որ Իլհամ Ալիևը և Նիկոլա Փաշինյանը Վաշինգտոն կատարած այցի ընթացքում, ինչպես սպասվում է, պարզապես կհաստատեն իրենց վաղուց հայտնի դիրքորոշումը, ամերիկյան կողմը վճռականորեն է տրամադրված այն ներկայացնել որպես ճեղքում նախագահ Թրամփի» ջանքերով ձեռք բերված առաջընթաց, գրում է «Коммерсантъ»-ը։ Պարբերականը նշում է, որ Վաշինգտոնում գտնվելու ընթացքում, ընդհանուր առմամբ, մտադրությունների մասին հռչակագրային հուշագրի և իրավաբանորեն պարտավորեցնող խաղաղության պայմանագրի միջև առանձնահատուկ տարբերություն չի դրվում։
«Երկու մայրաքաղաքներում տեղեկացված զրուցակիցների կարծիքով, Միացյալ Նահանգները դեռևս պաշտոնական դեր չի խաղում Բաքվի և Երևանի միջև խաղաղության գործընթացում, բայց դրանց հնարավոր ի հայտ գալը ժամանակի և նախաձեռնության հարց է։ Արևմտյան լրատվամիջոցներն ու դիվանագիտական խոողովակները, դրանց թվում՝ Թուրքիայում ԱՄՆ դեսպան Թոմ Բարաքը, ավելի ու ավելի ակտիվորեն են մատնանշում ԱՄՆ գործող վարչակազմի աճող հետաքրքրությունը Հարավային Կովկասի նկատմամբ։
Դրա հետնապատկերում, Շուշինի III մեդիա ֆորումում իր ելույթում Ադրբեջանի նախագահ Իլհամ Ալիևը ընդգծված հարգանքի ժեստ արեց նախագահ Թրամփին, որին ԱՄՆ նախագահը անհապաղ արձագանքեց։
«Նա Միացյալ Նահանգների միակ նախագահն է, որը պատերազմ չի սկսել։ Եվ դուք կարող եք տեսնել, որ նա այն մարդն է, որը դրանց վերջ է դնում։ Չնայած ավելի գլոբալ խնդիրներին, նա Հարավային Կովկասը պահում է ուշադրության կենտրոնում։ Մենք շնորհակալ ենք նրան Ադրբեջանին և Հայաստանին օգնելու իր ձգտման համար։ Հուսով ենք, որ նա գործն ավարտին կհասցնի»,- հայտարարել էր Իլհամ Ալիևը։
Վերահրապարակելով նախագահ Ալիևի իրեն նվիրված հայտարարությունը, Դոնալդ Թրամփը դրանով իսկ նրան հանդիպակաց ազդանշան է ուղարկել։
Ի թիվս այլ բաների, Բաքվում հույս ունեն, որ Միացյալ Նահանգները կօգնի լուծել տարածաշրջանում տրանսպորտային հաղորդակցությունների խնդիրը։ «Գրեթե հինգ տարի առաջ՝ 2020 թվականի նոյեմբերի 9-ին, Երկրորդ Ղարաբաղյան պատերազմի ավարտից հետո, Վլադիմիր Պուտինը, Իլհամ Ալիևը և Նիկոլա Փաշինյանը եռակողմ հայտարարություն ստորագրեցին՝ հաղորդակցությունների, ներառյալ՝ Զանգեզուրի միջանցքի վերաբերյալ։ Սակայն համաձայնագրի իններորդ կետը չիրագործվեց,- ասում է «Ъ»-ի տեղեկացված աղբյուրը։- Ավելին դիտարկվում է միջանցքը 100 տարով երկարաժամկետ վարձակալության տալու հնարավորությունը։ Նման կերպ ի հայտ եկավ նոր տրանսպորտային միջանցքի՝ «Թրամփի կամրջի» գաղափարը, որը կկարողանա տարածաշրջանում նոր իրականություն ստեղծել», - շարունակում է «Ъ»-ի զրուցակիցը։
Ըստ նրա՝ չնայած այն հանգամանքին, որ այս գաղափարի իրականացումը հեշտ չի լինի բազմաթիվ գործոնների և մի շարք տարածաշրջանային խաղացողների, ներառյալ՝ Իրանի դիմադրության պատճառով, դա նշանակում է առնվազն երկու բան։ Նախ, Վաշինգտոնի շահագրգռվածությունը Հարավային Կովկաս գալու հարցում լուրջ է և երկարաժամկետ։ Երկրորդ՝ ինստիտուցիոնալ կերպով մասնակցելու տարածաշրջանային լոգիստիկ գործընթացներին Միացյալ Նահանգների պատրաստակամությունը։ «Այսպես, Հարավային Կովկասում նոր մոդերատոր կարող է փորձել դառնալ Վաշինգտոնը, որը պատրաստ է օգտվել Մոսկվայի և՛ Երևանի, և՛ Բաքվի հետ հարաբերությունների դժվար փուլից», - ամփոփել է պարբերականը։
Բեմ են դուրս գալիս «սոցիոլոգները»
Հենրիխ Մխիթարյան. Երևանի փողոցներից մինչև Չեմպիոնների լիգայի եզրափակիչ. Անկեղծ հարցազրույց (տեսանյու...
Բալիում սկանդալային պոռնոաստղին սպառնում է մինչև 15 տարվա ազատազրկում
Ռուսաստանում կործանվել է աշխարհի ամենամեծ տուրբապտուտակավոր օդանավը
Ինչ են զրուցել ԱԱԾ մեկուսարանում Աղազարյանն ու Սրբազանները. «Իրավունք»
Հայրն իր կյանքի գնով փրկել է խեղդվող որդուն
Հայտնաբերվել է 1-ին տիպի շաքարախտի ամենավաղ ախտանիշը
Գալյանը դեմ չէ, որ կառավարության նիստը սկսվի աղոթքով
Շարլիզ Թերոնը 50 տարեկանում 25 տարեկանի տեսք ունի. Հոլիվուդյան աստղի կատարյալ մաշկի գաղտնիքը
Ովքեր են «դուրս մնալու» ՔՊ ցուցակից