Ադրբեջանի ԱԳՆ-ն կանչել է Ռուսաստանի դեսպանին և բողոքել «ոչ բարեկամակամ քայլերի» առնչությամբ

Բաքուն Մոսկվային կոչ է արել «միջոցներ ձեռնարկել երկրների միջև երկկողմ հարաբերություններում լարվածությունն ու բացասական տրամադրությունները վերացնելու համար»։

«Փոխարտգործնախարար Արազ Ազիմովի հետ հանդիպման ժամանակ ռուսական կողմին տեղեկացվել է մյուս կողմի բողոքի մասին՝ երկու երկրների միջև հարաբերությունները վնասող ոչ բարեկամական գործողությունների և քայլերի առնչությամբ»,- ասված է Ադրբեջանի ԱԳՆ կայքում տեղադրված հայտարարության մեջ։

Գերատեսչության տվյալներով՝ Ռուսաստանի դեսպանին տեղեկացվել է, որ «Ռուսաստանի Դաշնության գործողությունները հակասում են երկու երկրների միջև բարեկամության և փոխադարձ հարգանքի ոգուն, լրացուցիչ լարվածություն են առաջացրել և բացասաբար են անդրադառնում երկկողմ հարաբերությունների վրա»։

Ադրբեջանի ԱԳՆ-ն նշել է, որ խոսքը Եկատերինբուրգում մի խումբ ադրբեջանցիների ձերբակալման և «անօրինական գործողությունների, որոնց հետևանքով զոհվել են երկու հայրենակիցներ, իսկ ոմանք՝ վիրավորվել՝ լուրջ մարմնական վնասվածքների հետևանքով», «Ադրբեջանական ավիաուղիներ» ընկերության ինքնաթիռի կործանմանը ՌԴ արձագանքին և մի շարք այլ գործոնների մասին է։