Մասկը հայտարարել է, որ ԱՄՆ վարչակազմում իրեն փակուղու մեջ է զգացել

«Ինձ համար դժվար է այս մասին խոսել հարցազրույցներում, քանի որ իմ խոսքերը հաճախ վեճի առարկա են դառնում։ Ես չեմ ուզում դեմ արտահայտվել վարչակազմին, բայց նաև չեմ ուզում պատասխանատվություն կրել վարչակազմի արած ամեն ինչի համար։ Այսպիսով, ես մի տեսակ փակուղում եմ, գիտե՞ք», - ասել է նա CBS News-ին տված հարցազրույցի հրապարակված հատվածում, որը ձայնագրվել է նրա կառավարական ծառայությունից հեռանալուց առաջ։ Ամբողջական հարցազրույցը կհեռարձակվի հունիսի 1-ին։

Մասկը նշել է, որ համաձայն է Թրամփի թիմի շատ քաղաքականության հետ, բայց նրանք «ունեն տարաձայնություններ»։ Նա մասնավորապես հիշատակել է ԱՄՆ նախագահի կողմից առաջարկված օրինագիծը՝ պետական ​​ծախսերը կրճատելու վերաբերյալ, որը ամերիկացի առաջնորդը անվանում է «մեծ, գեղեցիկ օրինագիծ»։ «Կարծում եմ, որ օրինագիծը կարող է լինել կամ մեծ, կամ գեղեցիկ, բայց կասկածում եմ, որ կարող է լինել երկուսն էլ։ Սա իմ անձնական կարծիքն է», - ասել է գործարարը։

Չորեքշաբթի օրը Մասկը X-ում գրառում արեց, որ «[իր] որպես հատուկ կառավարական ծառայողի ժամանակն ավարտվում է»։ Նա վստահություն հայտնեց, որ DOGE-ի դերը ժամանակի ընթացքում միայն կմեծանա։