ԱՄՆ-ն «զգուշավոր լավատեսությամբ» է տրամադրված Ռուսաստան-Ուկրաինա հնարավոր գործարքին. Ուոլց
ԱՄՆ-ն հասկանում է, որ Ռուսաստանն ու Ուկրաինան կունենան իրենց պահանջները հակամարտության կարգավորման գործընթացում, հայտարարել է ԱՄՆ նախագահի ազգային անվտանգության հարցերով խորհրդական Մայք Ուոլցը։ Միևնույն ժամանակ, ընդգծել է նա, Վաշինգտոնը «զգուշավոր լավատեսությամբ» է տրամադրված Մոսկվայի և Կիևի միջև համաձայնության հասնելու հնարավորության հարցում։
«Մենք զգուշավոր լավատեսություն ենք ցուցաբերում։ Դուք տեսաք, թե ինչպես ուկրաինացիներն Օվալաձև գրասենյակից հետո եկան Ջիդդա, որտեղ մենք պետքարտուղար Ռուբիոյի հետ էինք, և տեսաք նախագահ Պուտինի մամուլի ասուլիսը, որը տեղի ունեցավ այսօր (հինգշաբթի): Իհարկե, երկու կողմերն էլ կունենան իրենց պահանջները, և, իհարկե, երկու կողմերն էլ պետք է որոշ փոխզիջումների գնան»,- ասել է Ուոլցը Fox News-ին տված հարցազրույցում:
Նրա խոսքով՝ ԱՄՆ նախագահի հատուկ բանագնաց Սթիվ Ուիթքոֆն այս պահին գտնվում է Մոսկվայում։ Նա Սպիտակ տանը տեղեկացնում է ՌԴ պաշտոնյաների հետ բանակցությունների ընթացքի մասին, նշել է Ուոլցը։
«Նա այնտեղ է և փոխանցում է տեղեկատվություն, որպեսզի մենք կարողանանք գնահատել այն, և նախագահ Թրամփը որոշի, թե ինչ անել հետո», - ավելացրեց նա:
Պուտինը մարտի 13-ին ասել է, որ Մոսկվան պատրաստ է աջակցել Ուկրաինայում հրադադարի առաջարկին, եթե դա հանգեցնի երկարաժամկետ խաղաղության։ Ավելի վաղ Ուկրաինան Ջիդդայում կայացած բանակցություններում ընդունել էր 30-օրյա հրադադարի մասին ԱՄՆ-ի առաջարկը։ Դրանից հետո Սպիտակ տունը հայտարարել էր ռուսական կողմի հետ զինադադարի հնարավորությունը քննարկելու ծրագրերի մասին։ Երեկ երեկոյան պետք է կայանային Պուտինի և Ուիթքոֆի փակ բանակցությունները:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...