Հասարակությանը պետք է հասկացնել, ասել՝ այս ո՞ւմ եք ընտրել, ձեր թքածը մի օր լիզելո՞ւ եք, թե՞ չէ. Արամ Մանուկյան

Այնպես չէ, որ իշխանության թիմում բոլոր հավաքվածները բոմբժ էին կամ սոված էին, նրանց մի մասը քաղաքական դասընթաց է անցել։ Այս մասին NEWS.am-ի հետ զրույցում նշեց ՀԱԿ փոխնախագահ Արամ Մանուկյանը:

«Ինչի՞ են լռում։ Բոլորը զոմբիացել են, կեսը զոմբի է, վախենում են ձեն հանեն, կեսն էլ վարկեր ունի փակելու: Բա դրանց միջի քաղաքացին ու՞ր է, ու՞ր է դրանց մեջի մտավորականը, կարդացածը, համարձակը, երիտասարդը: Վառեկներին տանում են պաշտոնների են նշանակում, ջահելներին տանում են խորհրդարան, հետո ասում են՝ հետ արի, խախտել ես Սահմանադրությունը, մեկը չի ըմբոստանում»,-ասաց նա:

Դիտարկմանը, որ գուցե պատճառն այն է, որ Նիկոլ Փաշինյանը նրանցից յուրաքանչյուրի վրա կոմպրոմատ ունի, Արամ Մանուկյանն ասաց. «Նախկինների վատ փորձը ինքը սովորեց, նախկիններից ինչքան վատ բան կար, ինքը հավաքեց և կիրառում է շանտաժը, վախը, «խնդրանքը»;

Մեկը հարցնի՝ դու Սահմանադրություն չես կարդացե՞լ, Սահմանադրությունն արգելում է իմպերատիվ մանդատ ունեցող պատգամավորին խնդրել, ստիպել, համոզել, հորդորել, որ մանդատը ցած դնի։

Իրավունքի առումով Հովիկ Աղազարյանի և մնացածների մանդատի տերը անգամ Հովիկը չի, անգամ վարչապետը չի, հասարակությունն է։ Դու ո՞նց ես մերժում այդ հասարակության տված քվեն։ Դու ի՞նչ իրավունք ունես խնդրելու։ Սահմանադրությունն ես խախտում»,- հայտարարեց ՀԱԿ փոխնախագահը:

Արամ Մանուկյանը նկատեց, որ Նիկոլ Փաշինյանը հասել է այնտեղ, որ հիմնը ոտնահարում է. «Հիմնը սահմանադրական օրենք է և այն փոխելու իրավունք դու չունես։ Ինքը տեղերն է փոխում, բառերն է փոխում, լկտիաբար այդ երգիչներին բերում է խորհրդարան, միջոցառումների, որ երգեն այնպես, ինչպես ինքն է պատկերացնում։ Ինքը ո՞վ է, որ օրենքից վեր որոշումներ կայացնի։ Ինքը ոչինչ է օրենքի նկատմամբ»:

Նա ընդգծեց, որ այս թեմաները պոպուլիստական, ծամոններ են, որոնք գցում են ժողովրդին. «Սիրելի ժողովուրդ, հիմնը, դրոշը, այս ամենը մենք վերցրել ենք ոչ թե որպես գեղարվեստական արժեքներ, դա վերցրել ենք որպես պատմական արժեքներ: Ալենի խելքին սա չի հասնում, ես ի՞նչ անեմ, Ինչքա՞ն ասեմ, որ խելքը հասնի, որ դա կարևոր բան է։