«Այսօր, ցավոք սրտի, բոլոր այն ուժերի համար, որոնք պայքարում են ընդհանուր համաշխարհային արդարության, հավասարության եւ արժանապատիվ հարաբերություններ կառուցելու համար, մենք տեսնում ենք մերձավորարևելյան ճակատում թեժացումներ, որոնց նպատակն է ի վերջո, Իրանին ներքաշել ռազմական գործողությունների մեջ: Մենք այս տարվա ընթացքում եթե նայենք, կտեսնենք այդ ձեռագիրը՝ ամենատարբեր սադրանքների միջոցով, եւ այդ սադրանքների ծավալն ու մակարդակը գնալով թեժանում է: Ցավոք, երեկվա տվյալներով արդեն հերթական ահաբեկչական գործողությունն է եղել ուղղաթիռի պայթյունի տեսքով, որը նաեւ բնականաբար, բոլոր մտածող մարդկանց մոտ ուղիղ զուգահեռներ է արթնացնում ամսիներ առաջ Իրանի նախագահի ուղղաթիռի պայթյունի հետ:
Բնական է, որ մենք մոտ ժամանակներս ակնհայտորեն կտեսնենք էլ ավելի թեժացման գործողություններ: Շատ բնորոշ է այսօր Իրանի նախագահ Փեզեշքիանի խոսքը իրենց կառավարության նիստի ժամանակ, որը բացահայտում է իրենց պատասխան հարվածի ուշացման հանգամանքը, եւ եւս մեկ անգամ հաստատում արեւմտյան կողմի փարիսեցիությունը: Ըստ նրա, արեւմտյան տարբեր երկրներ խոստացել էին չհարվածելու պայմանով եւ Գազայում, եւ Հեզբոլլահի մասով թեժացումներ չանել, բայց մենք տեսանք բոլորովին հակառակ գործողություններ: Սա եւս մեկ սթափեցնող ազդակ է Իրանի նոր ղեկավարությանը, որը հաշվի առնելով Փեզեշքիանի ավելի լիբերալ դիրքորոշումները, հույս ուներ, որ Արեւմուտքքի հետ կամուրջներ, հարաբերություններ կառուցելու հնարավորություն կարող է բացել: Սա ուղղակի խաչ է քաշում այդ ցանկությունների վրա»,- հայտարարեց Աղաջանյանը՝ հավելելով, որ արեւմտյան հեգեմոնիայի հաստատման համար ցանկացած կեղծիք, սուտ ու սադրանք՝ կարող է օգտագործվել:
Դեսպանը համոզմունք հայտնեց, որ Իրանը չի գնա սադրանքի եւ պատերազմի մեջ չի ներշքավի. «Սակայն ես չեմ բացառում դիմադրության ճակատի կողմից ընդհանուր ծրագրված քայլերի ձեռնարկումը: Հաշվի առնենք, որ Եմենի կողմից եւս զոհեր կան եւ չի բացառվում, որ տեսնենք համակարգված պատասխան՝ առանց Իրանի ուղիղ ներգրավման: Հնարավոր է հրթիռային հարվածներ լինեն, բայց ուղիղ ներգրավման հարցը նվազագույնի է հասցվելու, որպեսզի Իրանի վրա ուղիղ հարձակման պատրվակը չտրվի»:
Անկում տարադրամի շուկայում․ փոխարժեքն՝ այսօր
Ոչնչացվել է ավելի քան 20 իսրայելական F-35 ինքնաթիռ. Shafaqna
Մոսկվա-Երևան թռիչքները կարող են դադարեցվել․ ԶԼՄ
«Արթմեդ» բժշկական կենտրոնից փախուստի է դիմել տարիներ առաջ ինքնաձիգով «Շենգավիթցի Կյաժ Աշոտի» կյանքը ...
Ո՞վ է փոխարինելու Գրիգոր Մինասյանին
Ո՞վ է փոխարինելու Գրիգոր Մինասյանին
Նոր համաճարակ է տարածվում. ԱՀԿ-ն զգուշացնում է
ՔՊ-ում երեկվանից Արդարադատության նախարարի նոր թեկնածուի անուն է շրջանառվում
Ինչպե՞ս հայտնվեց մի քարտեզ, որի մասին ո՛չ Ադրբեջանում, ո՛չ Հայաստանում չգիտեին․ Գեղամ Նազարանը՝ Փաշի...
Իրանը «առանց վարանելու» կձեռնարկի բոլոր միջոցները պաշտպանելու իր ազգային շահերը