Լիբանանում պայթյունի հետևանքով զոհվել է 9, վիրավորվել՝ ավելի քան 300 մարդ

Լիբանանում դյուրակիր սարքերի պայթյունների երկրորդ ալիքի հետևանքով զոհվել է ինը մարդ, վիրավորվել՝ ավելի քան 300-ը, ինչը մեծացնում է Մերձավոր Արևելքում լայնածավալ պատերազմի բռնկման վերաբերյալ մտավախությունները, գրում է Al Jazeera-ն։

Ըստ պետական ​​լրատվամիջոցների՝ Բեյրութում պայթել են «Հըզբոլլահ» շարժման անդամների օգտագործված դյուրակիր ռադիոսարքերը, Լիբանանի հարավում և արևելքում ևս նմանատիպ պայթյուններ են գրանցվել:

Դա տեղի ունեցավ մեկ օր այն բանից հետո, երբ «Հըզբոլլահ»-ի անդամների հարյուրավոր փեյջերները պայթեցվել են, ինչի հետևանքով Լիբանանում զոհվել է 12 մարդ, նրանց թվում երկու երեխա, և վիրավորվել շուրջ 2800 մարդ: Իրանն ու «Հըզբոլլահ»-ը կատարվածի համար մեղադրել են Իսրայելին։

 ՄԱԿ-ում Սլովենիայի մշտական ​​ներկայացուցիչ Սամուել Զբոգարը հայտարարել է, որ ուրբաթ տեղի կունենա ՄԱԿ-ի Անվտանգության խորհրդի 15 անդամներից բաղկացած Խորհրդի նիստը՝ Լիբանանում տեղի ունեցած պայթյունների առնչությամբ, հայտնել է Al Jazeera-ն։

Ըստ Սլովենիայի մշտական ​​ներկայացուցչի՝ Ալժիրն արաբական պետությունների անունից դիմել է այդ նիստն անցկացնելու խնդրանքով։

Հիշեցնենք, որ նախօրեին և այսօր Լիբանանի ամբողջ տարածքը ցնցվել է պայթյունների ալիքից։ Նախօրեին պայթել են «Հըզբոլլահ»-ի անդամների օգտագործած փեյջերները։ Պայթյունի հետևանքով զոհվել է 12, վիրավորվել՝ շուրջ 3000 մարդ:

Այսօր, ըստ լիբանանյան լրատվամիջոցների, դյուրակիր ռադիոսարքերը պայթել են երկրի տարբեր շրջաններում։ Պայթյունների երկրորդ ալիքի հետևանքով զոհվել է 9 մարդ, վիրավորվել՝ ավելի քան 300-ը։ Իրանը և «Հըզբոլլահ»-ը պայթյունների համար մեղադրել են Իսրայելին:

Այս թեմայով Բախումներ Բեյրութում. Պահանջում են կառավարության հրաժարականը Լիբանանի բնակիչները, անտեսելով կորոնավիրուսի վտանգը, ցույցեր են կազմակերպել՝ բողոքելով երկրի տնտեսական վատ վիճակից (լուսանկարներ) Լիբանանի եւ Իրաքի ժողովուրդները խելամիտ պահանջներ են ներկայացնում. Խամենեի Պոմպեոն Լիբանանին կոչ է արել «շտապ ձեւավորել նոր կառավարություն» Բեյրութի կենտրոնում անհայտ անձինք ծեծի են ենթարկել ցուցարարներին և լրագրողներին