Հինգ գոլ, կարմիր քարտ բացման խաղում. նոր ռեկորդներ

Ֆուտբոլային Եվրո-2024-ի բացման խաղում կազմակերպիչ երկիր Գերմանիայի հավաքականը Մյունխենում ընդունեց Շոտլանդիայի հավաքականին եւ հաղթեց 5:1 հաշվով։

10-րդ րոպեին աչքի ընկավ Բունդեսլիգայի չեմպիոն Լեւերկուզենի «Բայերի» 21-ամյա կիսապաշտպան Ֆլորիան Վիրցը։

19-րդ րոպեին գերմանացի Յուլիան Նագելսմանի գլխավորած թիմի առավելությունը կրկնապատկեց Մյունխենի «Բավարիայի» 21-ամյա կիսապաշտպան Ջամալ Մուսիալան (տեսանյութ)։

44-րդ րոպեին սեփական տուգանային հրապարակում կանոնները խախտեց եւ հեռացվեց Շոտլանդիայի հավաքականի եւ անգլիական «Ուոթֆորդի» 25-ամյա պաշտպան Ռայան Պորտեուսը։

11-մետրանոցն արդյունավետ իրացրեց Լոնդոնդի «Արսենալի» 25-ամյա կիսապաշտպան Կայ Հավերցը ։

68-րդ րոպեին Գերմանիայի թիմի չորրորդ գոլը խփեց Դորտմունդի «Բորուսիայի» 31-ամյա հարձակվող Նիկլաս Ֆյուլկրուգը։

87-րդ րոպեին սեփական դարպասը գրավեց Գերմանիայի հավաքականի եւ Մադրիդի «Ռեալի» 31-ամյա պաշտպան Անտոնիո Ռյուդիգերը։

Ավելացված ժամանակում հաշիվը 5:1 դարձրեց Դորտմունդի «Բորուսիայի» 30-ամյա կիսապաշտպան Էմրե Ջանը։

Գերմանիայի հավաքականի համար սա ամենախոշոր հաշվով հաղթանակն է Եվրոպայի առաջնություններում։

A խմբի առաջին տուրի մյուս խաղում հունիսի 15-ին կմրցեն Հունգարիայի եւ Շվեյցարիայի հավաքականները։

Եվրո-2024, A խումբ, առաջին տուր

Գերմանիա - Շոտլանդիա՝ 5:1 (տեսանյութ)

Ֆլորիան Վիրց, 10, Ջամալ Մուսիալա, 19, Կայ Հավերց, 44+1, Նիկլաս Ֆյուլկրուգ, 68, Էմրե Ջան, 90+3 - Անտոնիո Ռյուդիգեր, 87, ինքնագոլ

Հեռացում՝ Ռայան Պորտեուս (Շոտլանդիա), 44

Այս թեմայով Երեք խաղ մեկ օրում ԴՈԼԱՐԻ ՈՒ ԵՎՐՈՅԻ ՓՈԽԱՐԺԵՔՆԵՐՆ ԱՃԵԼ ԵՆ Եվրո-2019. Հայաստանի ընտրանուն բաժին հասան մրցաշարի ֆավորիտները Եվրո-2020․ Օրվա հանդիպումները