Արդեն երրորդն օրն է՝ փակ է Բաղրամյան պողոտան. այսօր ԱԺ է գալու Փաշինյանը (տեսանյութ)

Արդեն երրորդ օրն է, որ «Տավուշը հանուն հայրենիքի» շարժման աջակիցները Բագրատ Սրբազանի գլխավորությամբ գիշերն անցկացնում են Բաղրամյան պողոտայում: Պողոտան փակ է, այստեղ բազմաթիվ վրաններ են տեղադրված: Ոստիկանները երեք օր է շղթա կազմած փակ են պհում Դեմիրճյան փողոցի մուտքերը թե Բաղրամյան պողոտայի կողմից, թե Պշռոշյան փողոցի կողմից:

Բաղրամյն պողոտայում այս պահին հանգիստ է: Վաղ առավոտյան Բագրատ Սրբազանը «լայվ» է մտել, ներկայացրել իրավիճակը պողոտայում եւ հայտարարել, որ այսօր ժամը 15։00-ին բոլորին սպասում է Բաղրամյան պողոտայում։

Նախօրեին Բագրատ Սրբազանը հայտարարել էր. «Այո΄, վաղը չափազանց կարևոր օր է, եթե կուզեք շատ ծանր ու ծանրակշիռ, վաղը ժամը 15։00-ին շատ մեծ թվով պետք է հավաքվենք, որովհետև ասելիք եւ անելիք ունենք:

Այն մարդիկ, որոնց դուք վճարում եք, մերժել են ժողովրդի այն հատվածի պահանջը, որը համաձայն չէ այս իրականության հետ։ Եվ դա մեծ մասն է կազմում մեր ժողովրդի։ Այսօր որ անկյունում կանգնես, դրա մասին են խոսում։ Առանցքը կազմում է այս իշխանության մերժումը: Շատ հաստատուն կերպով այս մարդկանց պետք է գործազուրկ դարձնենք։ Իրենք պետք է հասկանան` աղետ է բերում իրենց աշխատանքը, ինչպես նաև մահ և դժբախտություն: Դիմում եմ բոլոր նրանց, ովքեր իրենց սրտում փոփոխության կարիք են տեսնում` ներկա եղեք այստեղ` վերջնական ու վճռական խոսք ասելու այս մարդկանց»։