Ոչ մի բանի արժանի չեք

«Չորրորդ իշխանությունը» գրում է. Երեկ ամենաբուռն քննարկվող թեմաներից մեկը Կիրանցում ԱԺ «Հայաստան» խմբակցության պատգամավոր Գեղամ Նազարյանի մասնակցությամբ միջադեպն էր: Պատգամավորը գնացել ու վիճաբանել էր միջպետական ճանապարհը փակած գյուղացիների հետ, այնուհետև հունից դուրս գալով՝ վիճել լրագրողներից մեկի հետ:

Աղմուկն այնքան մեծ էր, որ «Հայաստան» խմբակցության պատգամավորները հերթով հայտարարեցին, թե Գեղամ Նազարյանի հնչեցրած արտահայտությունները չեն հանդիսանում տվյալ խմբակցության դիրքորոշումը։ Իշխան Սաղաթելյանն էր գրել, Սեյրան Օհանյանը, Գեղամ Մանուկյանը:

Դատապարտող հայտարարություններ էլ եղան:

Լավ, հունից դուրս է եկել, չի տիրապետել իրեն, հասկացանք: Բայց որ նույն այդ ընդդիմադիր շրջանակները տարածում են, թե Գեղամ Նազարյանը ծախվել է Նիկոլ Փաշինյանին, վաղուց պարզ էր նրա էությունը ... մեկը գրել էր. «Գեղամ Նազարյանի ֆինանսական վիճակը, գույքը ստուգեք` պատասխանը կիմանաք»... ու դուք ուզում եք, որ ժողովուրդը ձեզ աջակցի՞:

Փաստեր ունեք, որ Գեղամ Նազարյանը ծախվել է, հանեք, հրապարակեք, ինչի՞ եք պատերազմում զավակ կորցրած ծնողին հայհոյում:

Դատապարտելը մի բան է, բամբասելը, վերջին խոսքերով քրֆելը մի բան: Դրա համար էլ ինչ անում եք, արդյունքը զրո է: Ինչ դուք, ինչ իշխանությունը: Իրար լավ արժեք:

4rd.am