Կիրանցիների հանդիպումը Փաշինյանի հետ ավարտվեց. նրանք վրդովված են

Կիրանցիների հանդիպումը կառավարությունում ՀՀ վարչապետ Նիկոլ Փաշինյանի հետ ավարտվեց: Գյուղացիները վրդովված են, ոստիկանները լրագրողներին չեն թողնում, որ առաջանան եւ հարցեր տան կիրանցիներին:

Նրանցից մեկը լրագրողների հետ զրույցում ասաց, որ վարչապետը նոր ոչինչ չի ասել, ամեն ինչ արդեն որոշված է, և գործողությունները ընթանալու են ըստ նախնական որոշման:

Գյուղացիներից մեկն էլ ասաց, որ հանդիպման ժամանակ արված իրենց առաջարկները հաշվի չեն առնվել: Հանդիպումն այնքան լարված մթնոլորտում է անցել, որ կիրանցիներից մեկն ասել է, որ պատրաստ է այրել տունը և լքել գյուղը: