«Կրոկուս»-ի գործով ձերբակալվածներից մեկը խոստովանել է, որ իրեն կես միլիոն ռուբլի են առաջարկել մարդկանց սպանության համար (տեսանյութ)

«Կրոկուս Սիթի Հոլ» համերգասրահում ահաբեկչություն իրականացնելու կասկածանքով ձերբակալված անձանցից մեկը, խոստովանել է, որ իրեն կես միլիոն ռուբլի են առաջարկել մարդկանց սպանության համար։ Նրա հարցաքննության տեսանյութը հրապարակել է «Ռոսիա սեգոդնյա» միջազգային տեղեկատվական գործակալության գլխավոր խմբագիր Մարգարիտա Սիմոնյանը։

Հրապարակված կադրերում ձերբակալվածը խոստովանել է, որ գնացել այդ քայլին ոմն «քարոզչի օգնականի» հետ զրույցից հետո։ Նա հայտարարել է, որ մարդկանց սպանել է գումարի համար։

Տղամարդը հայտնել է, որ Թուրքիայից ՌԴ է ժամանել մարտի 10-ին։ Նրա խոսքով՝ ինքը Թուրքիայում էր գտնվում փաստաթղթերի հետ կապված հարցերով։

Ձերբակալվածը հայտնել է, որ իր հետ մեկ ամիս առաջ կապվել են Թելեգրամի միջոցով և կարգադրել գումարի դիմաց սպանել համերգասրահում գտնվող բոլոր մարդկանց։ Ինչ վերաբերում է զենքին, ապա նրա խոսքով՝ զենքը «նրանք» են տրամադրել։ Ճշտող հարցին՝ ովքեր են «նրանք», տղամարդը պատասխանել է, որ տեղյակ չէ։

Հիշեցնենք, որ երեկ երեկոյան ահաբեկչություն է տեղի ունեցել Մոսկվայի «Կրոկուս Սիթի Հոլ» համերգասրահում, ինչի հետևանքով, վերջին տվյալներով, զոհվել է 143 մարդ, կան բազմաթիվ վիրավորներ։ Զոհերի ու վիրավորների թվում կան նաև երեխաներ։

Ահաբեկչությունն իրականացնելու կասկածանքով ձերբակալվել է 11 մարդ։ Նրանցից մի քանիսը հայտնաբերվել են ՌԴ Բրյանսկի մարզում՝ Ուկրաինայի հետ սահմանից ոչ հեռու։

Այս թեմայով Մեզ ասացին, որ գնանք Կիև, այնտեղ մեզ 1 միլիոն ռուբլի կտան․ Crocus City Hall-ի գործով մեղադրվողներ Տաջիկստանում 9 մարդ է ձերբակալվել Crocus City Hall-ի գործով Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե Crocus City Hall-ում ահաբեկչություն իրականացնողները եղել են թմրամիջոցների կամ հոգեմետ նյութերի ազդեցության տակ Crocus City Hall-ը՝ ահաբեկչությունից հետո