Մրցավարը «Ռեալից» գողացավ հաղթանակը

Ֆուտբոլի Իսպանիայի առաջնության 27-րդ տուրում տեղի ունեցած չտեսնված խայտառակություն. մրցավար Խեսուս Խիլ Մանսանոն մադրիդցիներից, բառիս բուն իմաստով, գողացավ հաղթանակը:

Խաղասկզբում մադրիդցիների երկու անհեթեթ սխալներից հետո Վալենսիան, որը միայն պաշտպանվում էր, եւ երբեմն անցնում իրենց կիսադաշտը, հաղթում էին 2:0 հաշվով:

Այսուհանդերձ, հետագայում Վինիսիուս Ժունիորի խփած գոլերից հետո հաշվը հավասարվեց:

Մրցավարը ավելացրեց յոթ րոպե, թեեւ պարտավոր էր ավելացնել առնվազն տասը, քանի որ հարկադրված դադարները շատ էին: Նախ երեք րոպեից ավելի սուտգում էին Վինիի խփած երկրորդ գոլը, ապա խաղը բավական երկար կանգ առավ, երբ վնասվածք ստացավ վալենսիացիների պաշտպաններից Դիակաբուն:

Ավելացրած ժամանակի հենց սկզբում մրցավարը 11 մետրանոց նշանակեց Ռեալի դարպասին, երբ դրա անհրաժեշտությունը չկար: Երկու եւ կես րոպե պահանջվեց, մինչեւ նա ընդունեց իր սխալը եւ չեղարկեց 11 մետրանոցը:

Այսպիսով, մրցավարը պարտավոր էր իր ավելացրած յոթ րոպեին գունարել եւս երկուսուկեսը, բայց տեղի ունեցավ ֆուտբոլային մեծագույն անարդարություններից մեկը: 99-րդ րոպեի կեսերին Գարսիան գնդակը ուղարկեց տուգանային հրապարակ, երբ գնդակը դեռ օդում էր մրցավարը սուլեց, ազդարարելով խաղի ավարտը, իսկ տասնորդական վայրկյաններ անց Բելինգեմը գրավեց Վալենսիայի դարպասը, բայց մրցավարը, բնականաբար, գոլը չհաշվեց: Ավելին, Բելինգեմին կարմիր քարտ ցույց տվեց, իսկ Խոսելուին՝ դեղին:

Իսկ Բարսելոնայի գլխավոր մարզիչ Չավին անդադար խոսում է այն մասին, թե ինչպես են մրցավարներն օգնում Ռեալին:

Top-News.am    

Այս թեմայով Անչելոտի․ Աննախադեպ բան տեղի ունեցավ «Ռեալը» հաղթահարում է վնասվածքների դժվար փուլը Ռոնալդուի ընկերուհին նոր լուսանկար է հրապարակել Ջորջինա Ռոդրիգեսը նոր լուսանկար է հրապարակել Ռոնալդուի ու երեխաների հետ լողավազանից Ես սիրում եմ խնամել նրա մազերը. Ռոնալդուի ընկերուհու նոր լուսանկարը