Շնորհակալություն այս ծանր պահին մեր ժողովրդի կողքին լինելու և սատարելու համար. ԱՀ նախագահը՝ Արգենտինայի նախագահին
Արցախի Հանրապետության նախագահ Սամվել Շահրամանյանը շնորհակալական նամակ է հղել Արգենտինայի նախագահ Ալբերտո Ֆերնանդեսին:
Նամակում ասված է.
«Մեծարգո՛ պարոն Նախագահ,
Թույլ տվեք Արցախի Հանրապետության ժողովրդի, իշխանությունների և անձամբ իմ անունից ջերմորեն ողջունել Ձեզ և խորին երախտագիտություն հայտնել Հնդկաստանի մայրաքաղաք Նյու Դելիում կայացած G20-ի գագաթնաժողովի ժամանակ Ձեր ելույթում Լաչինի միջանցքի ապօրինի շրջափակմանն անդրադառնալու, այս ծանր պահին մեր ժողովրդի կողքին լինելու և ըստ ամենայնի սատարելու համար։
Մեզ համար չափազանց կարևոր է միջազգային հանրության, աշխարհի առաջադեմ մարդկության ուշադրությունը մեր ժողովրդի արդարացի ու երկարամյա պայքարին, որը պայքար է՝ հանուն սեփական հողում ազատ ու անկախ ապրելու, հանուն մարդու հիմնարար իրավունքների ու ազատությունների, ժողովրդավարության համընդհանուր նորմերի ու սկզբունքների պաշտպանության:
Մենք բարձր ենք գնահատում Ձեր աջակցությունն Արցախի ժողովրդին, ինչը մարդասիրության արժեքներին հավատարմության վառ օրինակ է, ինչպես նաև Արգենտինայի պետության վերաբերմունքը հայ համայնքի նկատմամբ: Դա հանդուրժողականության և եղբայրության օրինակելի դրսևորում է:
Մեծարգո՛ պարոն Նախագահ,
Մեկ անգամ ևս ընդունեք, խնդրեմ, խորին հարգանացս հավաստիքը և լավագույն բարեմաղթանքներս Ձեզ և Արգենտինայի եղբայրական ժողովրդին»:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար