Ադրբեջանը գործելու է լկտի, անսկզբունքային և ագրեսիվ, այդ թվում՝ փորձելու է ցեղասպանություն կազմակերպել. Սերգեյ Կառնաուխով
Alpha Newsroom-ի ուղիղ եթերում ռուս փորձագետ Սերգեյ Կառնաուխովը մեկնաբանել է Ադրբեջանի կողմից Արցախի շրջափակման պատճառները:
«Ինձ համար այս իրավիճակը անձնական հարց է։ Այն ազդում է ինձ վրա այն պատճառով, որ այնտեղ երեխաները եւ ծերերը տառապում են, տառապում են` բառիս ուղիղ իմաստով: Մենք տեսնում ենք Ադրբեջանի կողմից ցեղասպանական գործողություններ։ Մենք տեսնում ենք, որ Ադրբեջանն օգտվում է վերջին տարիներին համաշխարհային աշխարհակարգում գոյացած ճեղքերից։ Այդ մութ կետերի խնդիրն այն է, որ միջազգային իրավունքը չի աշխատում, ոչ մի ինստիտուտ, ոչ մի պայմանավորվածություն չի գործում, այլ աշխատում է բացառապես ուժեղի իրավունքը։ Ուժեղի այս իրավունքի շրջանակներում, երբ բացակայում է այս կամ այն բևեռը, որը կարող է կարգուկանոն հաստատել տարածաշրջանում, մնացած բոլորը, կներեք ինձ, ինչպես շնագայլերը, վերցնում են ամենը։ Ադրբեջանը շատ լավ է հաշվարկել ամեն ինչ, նրանք ուշադիր կարդացել են այն փաստաթղթերը, որոնք ձևակերպում են մեր խաղաղապահ առաքելության և այլ խաղաղապահ առաքելությունների իրավական կարգավիճակը։ Նրանք իրենց համար շատ լավ հասկացան, որ մեր ռուս խաղաղապահները, որոնք այսօր կանգնած են այնտեղ, չունեն այդ դժբախտ բնապահպաններին ցրելու իրավասությունը։ Այդ բնապահպանների կամուֆլյաժի տակ փաստացի հանդես են գալիս Ադրբեջանի հատուկ ծառայությունները և այդ հատուկ ծառայությունների վարձած սադրիչները։ Եվ նրանք օգտվում են դրանից, իրական ցեղասպանություն են իրականացնում, երկակի շրջափակում են արել, դա հայ ժողովրդի ամենաիսկական ցեղասպանությունն է։ Բայց, միևնույն ժամանակ, չկան մեխանիզմներ, որպեսզի ցրեն նրանց, հեռացնեն այնտեղից»,- նշել է Կառնաուխովը։
Փորձագետի խոսքով՝ երբ ձևակերպում էին պայմանավորվածությունները և որոշում ռուս խաղաղապահների մանդատը, պետք էր այդ ամենը նախատեսել։ Պետք էր հասկանալ, այդ թվում ՝ ռուսական կողմին, որ Ադրբեջանը գործելու է լկտի, անսկզբունքային, ագրեսիվ, այդ թվում ՝ փորձելու է ցեղասպանություն կազմակերպել։
«Բայց, ցավոք, մանդատը դուրս են գրել այնպես, որ մենք ստեղծված իրավիճակը լուծելու ոչ մի հնարավորություն չունենք», — ընդգծել է Կառնաուխովը:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո