Ըստ ադրբեջանական աղբյուրների՝ Բրյուսելում քննարկվել է ՀՀ տարածք «ադրբեջանական համայնքի» վերադարձի հարցը. Անդրեյ Արեշև
«Նախ կցանկանայի նշել, որ ընթացող բանակցությունների մասին տեղեկատվությունն ունի ակնհայտ կցկտուր և ընդհանուր բնույթ։ Այսինքն, մենք, այդ թվում նաև այստեղ՝ Մոսկվայում, ինչպես Արցախում եւ Երևանում, ստիպված ենք ինչ-որ բան եզրակացնել, կռահել։ Այն ձևակերպումները, որոնք կիրառվում են բանակցությունների ընթացքում, մասնավորապես Շառլ Միշելի հայտարարությունը, որոշակի հող ու առիթ են տալիս տարաբնույթ մեկնաբանությունների համար, ընդ որում՝ մեկնաբանությունները Հայաստանի և Արցախի համար լավ ուղղությամբ չեն», — Alpha News-ի ուղիղ եթերում ասել է Ռազմավարական մշակույթի հիմնադրամի փորձագետ Անդրեյ Արեշևը։
Ըստ նրա՝ Ռուսաստանի արտաքին գործերի նախարարության հայտարարության մեջ նշված էր, որ պաշտոնական Երևանը, առնվազն բանավոր կերպով, ճանաչել է Լեռնային Ղարաբաղի՝ Արցախի պատկանելությունը Ադրբեջանին:
«Այնուհետև տեսնում ենք, որ բրյուսելյան բանակցությունների ընթացքում պարոն Միշելը կրկին հնչեցրել է, թե այդ տարածքները նախկին խորհրդային հանրապետությունների տարածքներն են: Հնարավոր է՝ պարոն Ալիևի պատկերացմամբ՝ այդ տարածքները կարող են ավելանալ, եթե օգտվելով հայկական բանակի թուլությունից, նա շարունակի նորանոր պահանջներ առաջադրել: Ի դեպ, ըստ ադրբեջանական աղբյուրների՝ Բրյուսելում քննարկվել է ՀՀ տարածք ադրբեջանական համայնքի վերադարձի հարցը»,-շեշտել է Անդրեյ Արեշևը՝ անդրադառնալով Ադրբեջանի կողմից Հայաստանի տարածքային ամբողջականությունը խախտելու վերաբերյալ հարցին։
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Մեկ հպումով հնարավոր կլինի արգելափակել առցանց եղանակով իրականացվող ֆինանսական գործառնությունները
Իրանի հանգուցյալ գերագույն առաջնորդի կինը ողջ է
Իրանի հավաքականները կարող են որակազրկվել և հեռացվել ՖԻՖԱ-ի բոլոր հետագա մրցաշարերից