Արցախի մասին խոսելը քաղաքականությանը միջամտել չէ. Բագրատ սրբազան
«Խորքային իմաստով իր ամբողջ բովանդակությամբ Սուրբ Գիրքը քաղաքականության մասին է: Եվ մեր տիրոջ այն պատգամը «Թող գա քո արքայությունը…»՝ սա մեր ամենամեծ քաղաքական հայտարարությունն է, այսինքն՝ իրավիճակի փոփոխության, արժեքների փոփոխության, նոր արժեքների սահմանման, նոր աշխարհի սահմանման մասին է»,- այսպես է արձագանքել Տավուշի թեմի առաջնորդ Բագրատ արքեպիսկոպոս Գալստանյանը Alpha Newsroom-ի հարցին, թե արդյոք առաքելական Եկեղեցին քաղաքական հայտարարություններ է անում՝ Արցախի հիմնահարցի վերաբերյալ:
«Սա մեր կենսագրությունն է, մեր գոյության իրավունքն է, մեր պատմությունն է, մեր լինելիությունն է, դասական իմաստով սա քաղաքականության հետ ոչ մի առնչություն չունի: Մենք քաղաքականությանը չենք միջամտում, դրա մասին չենք խոսում, այլ կոնկրետ օրակարգով ասում ենք՝ սա է մեր մտահոգությունը, Արցախն այս պահին գտնվում է աղետի մեջ և դրա հետևանքով նաև ամբողջ հայ ժողովուրդն է գտնվում աղետի մեջ, հետևաբար այս աղետի լուծման մասին ենք մենք բարձրաձայնում», — ընդգծել է Բագրատ սրբազանը:
Տավուշի թեմի առաջնորդն ասել է, որ պատերազմում հարյուրավոր ընկերներ է հուղարկավորել, որոնք իրենց կյանքը տվել են նաև իր համար: Բագրատ սրբազանը հարցադրում է արել՝ արդյոք քաղաքական զոհեր են նրանք՝ ոչ: Եթե պատերազմը համարենք բիրտ քաղաքականության տեսակ՝ այդ իմաստով գուցե, բայց նրանք հայրենիքի, պետականության, արժանապատվության, զորանալու, հզորանալու համար են իրենց կյանքը տվել:
«Երբ մեզ մղում են ընտրության մասնակցել, դա ավելի շատ է հոգևորականի համար նշանակում քաղաքականությանը խառնվել, քան թե ասել, որ Արցախի Հանրապետության ինքնորոշման իրավունքի իրացումն անսակարկելի է», — պնդել է Տավուշի թեմի առաջնորդը:
Մանրամասները՝ տեսանյութում:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...